මාලිංග ගැන තීරණය හෙට

ලෝක කුසලාන තරගාවලිය ආරම්භ කරමින් ශ්‍රී ලංකා කණ්ඩායම සහභගිවන පළමු තරගය ඇෆ්ගනිස්තාන කණ්ඩායමට එරෙහිව හෙට (17දා) කොල්කටා ඊඩ්න් ගාඩන්ස් පිටියේදී පැවැත්වීමට නියමිතය. මෙම තරගයට ලසිත් මාලිංග ක්‍රීඩා කිරීම පිළිබඳව වන අවසන් තීරණය හෙට පෙරවරුවේදී ගන්නා බව ශ්‍රී ලංකා කණ්ඩායමේ නායක ඇන්ජලෝ මැතිව්ස් සඳහන් කළේය. ඒ කොල්කටා නුවරදී පැවැති මාධ්‍ය හමුවකදීය.

"දැනට තියෙන තත්ත්වය අනුව ඔව්ද? නැද්ද? කියන්න බෑ. හෙට පෙරවරුවේ පන්දු යැවීමෙන් පසුවයි ක්‍රීඩා කරනවාද කියලා තීරණය කරන්නේ. මාලිංග පුහුණු සැසි දෙකේදී කෙටි ධාවනයකින්  පන්දුවාර කීපයක් යැව්වා. ඔහු හෙට පෙරවරුවේ සාමාන්‍ය ධාවනයෙන් පන්දු යැවිය යුතුව තිබෙනවා"

යොහාන් භාසුර ඉන්දියාවේ කොල්කටා නුවර සිට