මට අවශ්‍යව තිබූ කණ්ඩායම ලැබුණා - මැතිව්ස්
මට අවශ්‍යව තිබූ කණ්ඩායම ලැබුණා
ශ්‍රී ලංකා එක්දින නායක ඇන්ජලෝ මැතිව්ස්
දකුණු අප්‍රිකානු කණ්ඩායමට මුහුණදෙන්නට නම් කළ ශ්‍රී ලංකා කණ්ඩායම තමන්ට අවශ්‍යව තිබූ කණ්ඩායම බව ශ්‍රී ලංකා එක්දින ක්‍රිකට් නායක ඇන්ජලෝ මැතිව්ස් පවසයි.
ශ්‍රී ලංකා කණ්ඩායම හා දකුණු අප්‍රිකානු කණ්ඩායම අතර ලබන ඉරිදා (06දා) ආරම්භ වන එක්දින තරගාවලිය වෙනුවෙන් කොළඹ ටාජ් සමුද්‍රා හෝටලයේ අද (04දා) පැවැති මාධ්‍ය හමුවේදී මැතිව්ස් මේ බව පවසා සිටියේය.
වැඩිදුරටත් අදහස් දැක්වූ මැතිව්ස්,
“දකුණු අප්‍රිකානු කණ්ඩායම ගොඩක් සමබර කණ්ඩායමක්. අපට කි‍සිසේත්ම ඔවුන්ව ලෙහෙසියට ගන්න බැහැ. ඒ වගේම මේ තරගාවලිය අපට අතිශය වැදගත් තරගාවලියක්. විශේෂයෙන්ම ලෝක කුසලාන තරගාවලිය වනතෙක් පසුගිය තරගවල දැක්වූ දක්‍ෂතා එලෙසින්ම ඉදිරියට රැගෙන යන්න අවශ්‍යයි. ඒ වගේම මට ලැබිලා තියෙන්නෙ මට අවශ්‍ය වෙලා තිබුණු 16 දෙනා. ඒ ගැන මම ගොඩක් සතුටුවෙනවා. කුසල්ගේ ශාරීරික යෝග්‍යතාව පිළිබඳ පරීක්‍ෂණයක් හෙට තියෙනවා. එහි ප්‍රතිපල අනුව අපට ස්ථිරව දැනගන්න පුළුවන් ඔහුගේ සහභාගීත්වය ගැන.* යනුවෙන් සඳහන් කළේය.
එක්දින තරගාවලියට නම් නොවූ දිනේෂ් චන්දිමාල් ගැන අදහස් දැක්වූ මැතිව්ස්,
“දිනේෂ් චන්දිමාල් ඉතාමත් දක්‍ෂ ක්‍රීඩ‍කයෙක්. එය සියලු දෙනාම දන්නා දෙයක්. නමුත් ඇතැම් අවස්ථාවල දක්‍ෂ ක්‍රීඩකයන්ට වුවත් දක්‍ෂතා එයාකාරයෙන් පවත්වාගෙන යන්න බැරිවෙනවා. එමනිසා විවේකයක් ලබාදිය යුතුයි. මම හිතන්නෙ චන්දිමාල් ඉවත්කිරීම ඔහුගේ මානසිකත්වයටත් හොඳයි* යැයි පැවසීය.
ඩුමිනි ගැන ලොකු විශ්වාසයක් තියෙනවා
දකුණු අප්‍රිකානු එක්දින නායක ඒ.බී. ඩිවිලියර්ස්
.jpg)
"ලෝක කුසලාන තරගාවලියත්, ඉන් අනතරුව පැවැති එංගලන්ත තරග සංචාරයත් සාර්ථකව අවසන් කළ නිසා ශ්‍රී ලංකා කණ්ඩායම දැන් ගොඩක් හොඳ මානසික ශක්තියකින් සිටින්නෙ. එමනිසා ශ්‍රී ලංකා කණ්ඩායම පරාජය කිරීම අපහසු කාර්යයක්. නමුත් ජේ.පී. ඩුමිනි ශ්‍රී ලංකාවට ප්‍රබල අභියෝගයක් එල්ලකරයි කියලා බලාපො‍රොත්තු වෙනවා"
මෙම මාධ්‍ය සාකච්ඡාවෙන් පසු ශ්‍රී ලංකා කණ්ඩායමේ නව එක්දින නිල ඇඳුමද එළිදැක්වූ අතර, ඇන්ජලෝ මැතිව්ස් විසින් එය එළිදක්වනු ලැබීය.
ඡායාරූප - එ්ෂාන් ප්‍රනාන්දු
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
