චිතගොන්හිදී පැවැත්වෙන දෙවැනි හා අවසන් ටෙස්ට් ක්රිකට් තරගයේ සිවුවන දිනය වන අද දිනය (07දා) තරගය නිමා වනවිට සිය දෙවැනි ඉනිම ක්රීඩා කරන බංග්ලාදේශ කණ්ඩායම කිසිවෙකු නොදැවී ලකුණු 12 ක් රැස් කරගනිමින් ජයග්රහණය සඳහා තවත් ලකුණු 455ක් පසුපසින් සිටියි.
ශ්රී ලංකා කණ්ඩායම සවස තේපානයෙන් පසුව කඩුලු 04 ක් දැවී ලකුණු 305 ක් ලබා සිටියදී ඉනිම අත්හිටුවා ලකුණු 467 ක ඉලක්කයක් බංග්ලාදේශ කණ්ඩායමට ලබාදුනි.
අද දිනයේ පළමු ඉනිම ක්රීඩාකළ බංග්ලාදේශ කණ්ඩායමේ ඉතිරි කඩුලු 02 ක ලකුණු 17 ක් තුළ දවාලීමට ශ්රී ලංකා පන්දු යවන්නෝ සමත්වූ අතර, ඔවුන්ගේ පළමු ඉනිම ලකුණු 426 කට සීමාවිය. ඒ අනුව ශ්රී ලංකා පළමු ඉනිමට වඩා ලකුණු 161 ක් පසුපසින් ඔවුන්ගේ ඉනිම අවසන් විය. අජන්ත මෙන්ඩිස් සිය ක්රිකට් දිවියේ හොඳම පන්දු යැවීම මෙම තරගයේදී සනිටුවන් කිරීමට සමත්වූ අතර, ඔහු ලකුණු 99 ට කඩුලු 6 ක් දවාලීමට සමත්විය.
2008 වසරේදී ඔහු ගාල්ලේදී, ඉන්දියාවට එරෙහිව 117/6 ලෙස කඩුලු දවාලමින් හොඳම පන්දු යැවීම වාර්තා කර තිබිණි.
පළමු ඉනිමේදී ත්රිත්ව ශතකයක් (319) ලබාගත් කුමාර සංගක්කාර දෙවැනි ඉනිමේදී ශතකයක් (105) ලබාගැනීමට සමත් වූ අතර ලෝක ක්රිකට් ඉතිහාසයේ එවැනි දස්කමක් කළ දෙවැනි ක්රීඩකයා ලෙසද ටෙස්ට් ඉනිම් දෙකේදීම ශතක රැස්කළ දෙවැනි ශ්රී ලාංකික පිතිකරුවා ලෙසද වාර්තා පොත් අතරට එක්විය.
දිගින් දිගටම අසාර්ථක වූ උපනායක දිනේෂ් චන්දිමාල් සිය තෙවැනි ටෙස්ට් ශතකය (100*) ක් ලබාගැනීමට අද සමත් විය.
හෙට තරගයේ පස්වැනි සහ අවසන් දිනයයි.
ශ්රී ලංකාව 587/10 (පන්දුවාර 156.4)
කුමාර් සංගක්කාර 319 (පන්දු 482, 4x32, 6x8)
මහේල ජයවර්ධන 72 (පන්දු147, 4x6)
අජන්ත මෙන්ඩිස් 47 (පන්දු 67, 4x6)
කිත්රුවන් විතානගේ 35 (පන්දු 52, 4x6)
දිමුත් කරුණාරත්න 31 (පන්දු 61, 4x4)
බංග්ලාදේශය පන්දු යැවීම
ශකීබ් අල් හසන් 148/5 (පන්දුවාර 34)
නසීර් හුසේන් 16/2 (පන්දුවාර 6.4)
බංග්ලාදේශය පළමු ඉනිම 426/10 (පන්දුවාර 119.5)
ඉම්රුල් කෙයිස් 115 (පන්දු 218, 4x17, 6x1)
ශම්සූර් රෙහමාන් 106 (පන්දු 191, 4x11, 6x1)
ශකීබ් අල් හසන් 50 (පන්දු 89, 4x9)
ශ්රී ලංකාව පන්දු යැවීම
අජන්ත මෙන්ඩිස් 99/6 (29.5)
දිල්රුවන් පෙරේරා 119/3 (පන්දුවාර 39)
සුරංග ලක්මාල් 70/1 (පන්දුවාර 23)
ශ්රි ලංකාව දෙවැනි ඉනිම 305/4 (පන්දුවාර 75.5)
කුමාර් සංගක්කාර 105 (පන්දු 144, 4x11, 6 x2 )
දිනේෂ් චන්දිමාල් 100* (පන්දු 158, 4 x4)
ඇන්ජලෝ මැතිව්ස් 43* (පන්දු 38, 4 x3, 6x1)
බංග්ලාදේශය පන්දු යැවීම
මහමදුල්ලා 46/2 (පන්දුවාර 18)
අල් අමීන් හොසෙන් 31/1 (පන්දුවාර 07)
බංග්ලාදේශය දෙවැනි ඉනිම
තමීම් ඉක්බාල් 7* (පන්දු 31, 4x1)
ශන්සූර් රෙහමාන් 7* (පන්දු 17)
සටහන - මංජු ප්රදීප්