පළමු එක්දින තරගය අද

සංචාරක බටහිර ඉන්දීය කොදෙව් කණ්ඩායම හා සත්කාරක  ශ්‍රී ලංකා කණ්ඩායම අතර පැවැත්වෙන තරග තුනකින් සමන්විත එක්දින තරගාවලියේ පළමු එක්දින තරගය අද (01දා) කොළඹ ආර්. ප්‍රේමදාස පිටියේදී දිවා, රාත්‍රී තරගයක් ලෙසින් ශ්‍රී ලංකා වේලාවෙන් ප.ව. 2.30ට ආරම්භ වීමට නියමිතය.

2013 වසරේ ජූලි මාසයෙන් පසුව ශ්‍රී ලංකා කණ්ඩායම හා කොදෙව් කණ්ඩායම එක්දින තරගයකදී හමුවන පළමු අවස්ථාව මෙය වෙයි. එසේම කොදෙව් කණ්ඩායමක් කොළඹ ආර්. ප්‍රේමදාස පිටියේදී එක්දින තරගයකට එක්වෙන්නේ 2005 වසරේ අගෝස්තු මාසයෙන් පසුව වෙයි.

දෙරට අතර මේ දක්වා එක්දින තරග 51ක් පවත්වා ඇති අතර එහිදී ශ්‍රී ලංකාව එක්දින තරග 21ක ජය තහවුරු කරගෙන තිබෙන අතර, කොදෙව්වෝ තරග 27ක ජය තහවුරු කරගෙන තිබේ. තරග තුනක් ජයපරාජයෙන් තොරව අවසන්ව තිබේ.

ශ්‍රී ලංකා සංචිතය

ඇන්ජලෝ මැතිව්ස් (නායක), දුෂ්මන්ත චමීර, දිනේෂ් චන්දිමාල්, තිලකරත්න ඩිල්ෂාන්, ධනුෂ්ක ගුණතිලක, ෂෙහාන් ජයසූරිය, නුවන් කුලසේකර, සුරංග ලක්මාල්, ලසිත් මාලිංග, අජන්ත මෙන්ඩිස්, කුසල් පෙරේරා, සචිත්‍ර සේනානායක, මිලින්ද සිරිවර්ධන, ළහිරු තිරිමාන්න, ජෙෆ්රි වැන්ඩර්සේ

කොදෙව් සංචිතය

ජේසන් හෝල්ඩර් (නායක), දේවින්ද්‍ර බිෂෝ, ජෙරමෙයින් බ්ලැක්වුඩ්, කාලොස් බ්‍රැත්වෙයිට්, ඩැරන් බ්‍රාවෝ, ජොනතන් කාටර්, ජොන්සන් චාර්ල්ස්, ඇන්ඩ්‍රේ ෆ්ලෙචර්, ජේසන් මොහොමඩ්, සුනිල් නාරින්, දිනේෂ් රාම්දීන්, රවී රාම්පෝල්, ඇන්ඩ්‍රෘ රසල්, මාලන් සැමුවෙල්ස්, ජෙරෝම් ටේලර්