තේරීම් කමිටු සභාපති කපිල විජේගුණවර්ධන

සනත් ජයසූරිය ඇතුළු ශ්‍රී ලංකා ක්‍රිකට් තේරීම් කමිටුව ඉල්ලා අස්වීමත් සමග ශ්‍රී ලංකා හිටපු වේග පන්දු යැවීමේ ක්‍රීඩකයෙන් වන කපිල විජේගුණවර්ධන මහතාගේ සභාපතිත්වයෙන් යුත් තේරීම් කමිටුවක් නම් කිරීමට ශ්‍රී ලංකා ක්‍රිකට් ආයතනය කටයුතු කොට තිබේ.

එම කමිටුවේ සෙසු සාමාජිකයින් ලෙස අමල් සිල්වා, බ්‍රෙන්ඩන් කුරුප්පු, හේමන්ත වික්‍රමරත්න පත්කොට තිබේ. අමල් සිල්වා හා බ්‍රෙන්ඩන් කුරුප්පු හිටපු ශ්‍රී ලංකා කඩුලු රකින ක්‍රීඩකයෝ වෙති. හේමන්ත වික්‍රමරත්න හිටපු මැදපෙළ පිතිකරුවෙකි.

ඡායාරූපය ශ්‍රී ලංකා ක්‍රිකට් අනුග්‍රහයෙනි