තිසර ලංකාවට එක්දින ජයක් ගෙනෙයි

තිසර පෙරේරාගේ තුන් ඉරියව් දක්ෂතා හේතුවෙන් බංග්ලාදේශයේ  පැවැත්වෙන තුන්කොන් එන්දින තරගාවලියේ ප්‍රථම ජය වාර්තා කිරීමට ශ්‍රී ලංකා කණ්ඩායම සමත්විය. ඒ සිම්බාබ්වේ කණ්ඩායම කඩුලු 5කින් පරාජයට පත්කරමිනි.

සිම්බාබ්වේ කණ්ඩායම රැස්කළ ලකුණු 198 පිළිතුරු ලෙස ශ්‍රි ලංකා කණ්ඩායම ලකුණු 202/5ක් රැස්කරමින් තරගය ජයග්‍රහණය කළේය. පන්දුවාර 44.5 කදී ශ්‍රී ලංකා කණ්ඩායම ඉලක්කය සම්පූර්ණ කළේය. 

කුසල් පෙරේරා (49), කුසල් මෙන්ඩිස් (36), දිනේෂ් චන්දිමාල් (38*) හා තිසර පෙරේරා (39*) ශ්‍රී ලංකා ඉනිම වෙනුවෙන් පිත්තෙන් දක්ෂතා දැක්වීමට සමත්විය. පන්දු යැවීමෙන්ද තිසර පෙරේරා කඩුලු හතරක් දවා ගැනීමට සමත්විය.