තායි බොක්සිං ප්‍රචලිත කිරීමේ වැඩමුළුවක්

මුවේ තායි හෙවත් තායි බොක්සිං ක්‍රීඩාව ශ්‍රී ලංකාවේ ප්‍රචලිත කිරීම උදෙසා ශ්‍රී ලංකාවේ තායිලන්ත තානාපති කාර්යාලය හා තායිලන්ත සංචාරක අධිකාරිය විසින් සංවිධානය කරන ලද මුවේ තායි වැඩමුළුවක් පෙරේදා (01දා) කොළඹ සිනමන් ලේක්සයිඩ් හෝටලයේදී පැවැත්විණි.

තායිලන්තයේ මුවේ තායි උපදේශකයන්, ක්‍රීඩකයන් සහභාගී වූ මෙම වැඩමුළුව සඳහා යුද, ගුවන්, නාවික හමුදා හා පොලිස් යන සේවාවන්හි බොක්සිං ක්‍රීඩාවේ නියැළෙන ක්‍රීඩක ක්‍රීඩිකාවෝ සහභාගි වූහ.

මෙහිදී දක්ෂතා දැක්වූ පොලිස් විශේෂ කාර්ය බළකායේ ඩී.ජී. මානවසිංහ හා ගුවන් හමුදාවේ ආර්.එම්. ප්‍රියංකර යන ක්‍රීඩකයන් දෙදෙනා තායිලන්තයේ සංචාරයක් සඳහාද තෝරා ගනු ලැබූහ.

ඡායාරූප- ක්‍රිෂාන් රණසිංහ