ටෙස්ට් නායකත්වය රංගන හේරත්ට

ශ්‍රී ලංකා කණ්ඩායම හා බංග්ලාදේශ කණ්ඩායම අතර පැවැත්විමට නියමිත ටෙස්ට් තරගාවලියේදි ශ්‍රී ලංකා කණ්ඩායමේ නායකත්වයට රංගන හේරත් පත්කර තිබේ. ඒ නායක ඇන්ජලෝ මැතිව්ස් ආබාධයකට ලක්ව ඇති හෙයිනි. රංගන ශ්‍රී ලංකා ටෙසට් කණ්ඩායමක නායකත්වය දරන්නේ දෙවැනි අවස්ථාවට වෙයි. නොවැම්බර් මාසයේදී සිම්බාබ්වේ කණ්ඩායම හා ශ්‍රී ලංකා කණ්ඩායම අතර සිම්බාබ්වේ හි පැවැති ටෙස්ට් තරගාවලියේ නායකත්වය රංගන හේරත් පැවැරුණේය.

එම තරගාවලිය 2-0ක් ලෙස ශ්‍රී ලංකා කණ්ඩායමය ජයග්‍රහණය කිරිමට සමත්විය. මේ අතර දග පන්දු යවන ක්‍රීඩක මලින්ද පුෂ්පකුමාරද ශ්‍රී ලංකා ටෙස්ට් සංචිතයට නම්කර තිබේ. ඔහු ටෙස්ට් සංචිතයක් සඳහා නම් කළ පළමු අවස්ථාව මෙය වෙයි. බංග්ලාදේශය හා ශ්‍රී ලංකාව අතර පැවැත්වෙන ටෙස්ට් තරගාවලිය එළැඹෙන 07 දා ගාල්ලේදී පැවැත්වෙන පළමු ටෙස්ට් තරගයෙන් ආරම්භවීමට නියමිතය.