ට්‍රෙවර් බේලිස් එංගලන්තයේ පුහුණුකරු නතතුරට

ශ්‍රී ලංකා ක්‍රිකට් කණ්ඩායමේ හිටපු පුහුණුකරු ටෙවර් බේලිස් මහතා එංගලන්ත කණ්ඩායමේ පුහුණුකරු ලෙස පත්කිරීමට නියමිත බව එංගලන්ත මාධ්‍ය වාර්තා කරයි.

2011 වසරේදී ශ්‍රී ලංකා කණ්ඩායම එක්සින ලෝක කුසලාන තරගාවලියේ අවසන් මහ තරගය තෙක් රැගෙන ගිය ට්‍රෙවර් බේලිස් මහතා මේ වන විට නිව් සවුත් වේල්ස් කණ්ඩායමේ පුහුණුකරු වශයෙන් කටයුතු කරයි.

මේ වන විට ක්‍රියාත්මක එංගලන්ත - නවසීලන්ත පළමු ටෙස්ට් තරගයෙන් (අද අවසන් වීමට නියමිත) පසුව ඔහු එංගලන්ත කණ්ඩායමේ පුහුණුකරු ලෙස නම්කිරීමට නියමිත බවත්, ඒ සඳහා බේලිස් සිය කැමත්ත ප්‍රකාශ කර ඇති බවත් එංගලන්ත මාධ්‍ය වැඩිදුරටත් පවසයි.  

මේ පිළිබඳව අද (25දා) දෙපාර්ශ්වය අතර තවත් සාකච්ඡාවක් පැවැත්වීමට නියමිත බවත් එම වාර්තා වැඩිදුරටත් පවසයි.