කෝලි හා ධවාන් ඉනිම ඔසවා තබති

ශ්‍රී ලංකා කණ්ඩායම හා සංචාරක ඉන්දීය කණ්ඩායම අතර ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේ තම පළමු ඉනිම ක්‍රීඩා කරමින් සිටින ඉන්දීය කණ්ඩායම දෙවැනි දින දිවා ආහාරය සඳහා අද (13දා) දහවල් තරගය නතර කරන විට කඩුලු 02 ක් දැවී ලකුණු 227ක් රැස්කරගෙන සිටියි.  ඒ අනුව ඔවුන් ශ්‍රී ලංකා පළමු ඉනිමට වඩා ලකුණු 44ක් ඉදිරියෙන් සිටියි.

පළමු දිනට ඊයේ (13දා) සන්ධ්‍යාවේ තරගය නතර කරන විට ඉන්දීය කණ්ඩායම කඩුලු 02 ක් දැවී ලකුණු 128 ක් රැස්කරගෙන සිටියේය. ඒ අනුව අද දිනයේදී කිසිදු කඩුල්ලක් දවාගැනීමට ශ්‍රී ලංකා පන්දු යවන්නන්ට නොහැකිවිය.

තම සිවුවැනි ටෙස්ට් ශතකය අද උදෑසන වාර්තාකළ ආරම්භක පිතිකරු ශිකර් දවාන් මේ වනවිට ලකුණු 110 ක් හා නායක විරාට් කෝලි ලකුණු 86 ක් රැස්කරගෙන සිටියි. ඔවුන් දෙදෙනා මේ වනවිට ලකුණු 199ක සබඳතාවක් ගොඩනගාගෙන සිටියි.

ඊයේ (13දා) ආරම්භ වූ මෙම තරගයේ කාසියේ වාසිය දිනා පළමුව පන්දුවට පහරදුන් ශ්‍රී ලංකා කණ්ඩායමට පළමු ඉනිම වෙනුවෙන් සියල්ලන් දැවී රැස්කිරීමට හැකිවූයේ ලකුණු 183 ක් පමණි.

                                   ඉන්දීය පළමු ඉනිම

ඡායාරූප ක්‍රික්බස්