කැනඩාව 15 වැනි ස්ථානය තහවුරු කරගනියි

ෆිජි කණ්ඩායම කඩුලු 08 කින් පරාජය බංග්ලාදේශය පැවැත්වෙන වයස 19 පහළ එක්දින ලෝක කුසලාන තරගාවලියේ 15 වැනි ස්ථානය තහවුරු කරගැනීමට කැනඩා කණ්ඩායම අද (11දා) සමත්විය. ඒ අනුව ෆිජි කණ්ඩායමට 16 වැනි (අවසන්) ස්ථානය හිමිවිය.

චොක්ස් බසාර්හි පැවති මෙම තරගයේ පළමුව පන්දුවට පහරදුන් ෆිජී කණ්ඩායමට පන්දුවාර 28 ක් අවසානයේ සියල්ලන් දැවී රැස්කිරීමට හැකිවූයේ ලකුණු 83 ක් පමණි.

පිළිතුරු ඉනිම ක්‍රීඩාකළ කැනඩා පිතිකරුවෝ කඩුලු දෙකක් පමණක් දැවී තරගයේ 20 වැනි පන්දුවාරයේදී ලකුනු 84 ක් රැස්කර තරගයේ ජය සම්පූර්ණ කරගත්හ.

මූලික වටයේ 'බී' කාණ්ඩයෙන් තරග කළ කැනඩා කණ්ඩායමට මෙන්ම, 'සී' කාණ්ඩයෙන් තරග කළ ෆිජී කණ්ඩායමට කිසිඳු තරගයක් ජයගැනීමට නොහැකිවූ අතර, ඒ හේතුවෙන් අවසන් ස්ථාන දෙක වෙනුවෙන් තරග වැදීමට සිදුවිය.

ක්‍රික්ඉන්ෆෝ ලකුණු පුවරුව