කැංගරුවන් පරදා සිංහයෝ ජය ලබති

සංචාරක ශ්‍රී ලංකා කණ්ඩායම හා ඔස්ට්‍රේලියා කණ්ඩායම අතර මෙල්බර්න් පිටියේ පැවැත් පළමු විස්සයි20 තරගයේ ජය වාර්තා කිරීමට ශ්‍රී ලංකා කණ්ඩායම සමත්වූයේය.

ඔස්ට්‍රේලියා කණ්ඩායමෙන් එල්ල වූ ලකුණු 169ක ඉලක්කය පන්දුවාර 20 කඩුලු 5 පමණක් වැය කර පසුකර යාමට ශ්‍රී ලංකා කණ්ඩායම සමත්විය.

කාසියේ වාසිය දිනාගත් ශ්‍රී ලංකා කණ්ඩායම මුලින්ම පන්දුවට පහරදීමේ අවස්ථාව ඔස්ට්‍රේලියා කණ්ඩායමට ලබාදුන් අතර නියමිත පන්දුවාර 20දි කඩුලු 6ට ලකුණු 168ක් රැස්කිරීමට ඔස්ට්‍රේලියා කණ්ඩායම සමත්විය. 

ශ්‍රී ලංකාව වෙනුවෙන් ලසිත් මාලිංග කඩුලු දෙකක් දවා ගත්තේය. පන්දුවට පහරදීමෙන් ඩිල්ෂාන් මුණවිර ලකුණු 44ක් රැස්කරගත් අතර තරගය ජයග්‍රහණය කරා රැගෙන ගිය අසේල ගුණරත්න විස්සයි20 පිටියේ සිය මංගල අර්ධ ශතකය වාර්තා කළේ ලකුණු 52ක් රැස්කරමිනි.