ඔස්ට්‍රේලියා - බංග්ලාදේශ තරගයටත් විසඳුමක් නෑ

ශූරයන්ගේ කුසලාන එක්දින තරගාවලිය යටතේ බංග්ලාදේශ කණ්ඩායම හා ඔස්ට්‍රේලියා කණ්ඩායම අතර ඊයේ (05දා) පැවැති තරගයද අයහපත් කාලගුණය හේතුවෙන් ප්‍රතිඵලයකින් තොරව අවසන්විය. තරගයේ මුලින්ම පන්දුවට පහරදුන් බංග්ලාදේශ කණ්ඩායම පන්දුවාර 44.3කදී සියලු දෙනා දැවී ලකුණු 183ක් රැස්කළේය.

ආරම්භක පිතිකරු තමීම් ඉක්බාල් ලකුණු 95ක් රැස්කළේය. ලකුණු 184ක ජයග්‍රාහී ඉලක්කයක් හඹා ගිය ඔස්ට්‍රේලියා කණ්ඩායම පන්දුවාර 16කදී එක් කඩුල්ලකට ලකුණු 83ක් රැස්කරගෙන සිටියදී වර්ෂාව හේතුවෙන් තරගය අත්හැර දැමිණ. ඒ අනුව තරගය විසඳුමකින් තොරව අවසන් වූ අතර කණ්ඩායම් දෙකටම එක් ප්‍රසාද ලකුණ බැගින් හිමිවිය.

ඒ අනුව ඔස්ට්‍රේලියා කණ්ඩායම ක්‍රීඩා කළ තරග දෙකම වර්ෂාව හේතුවෙන් ක්‍රීඩා කිරීමට නොහැකි වූ අතර ඔවුන්ට ප්‍රසාද ලකුණු දෙකක් හිමිව තිබේ.