එංගලන්තයට ලකුණු 119ක ජයක්

ස්කොට්ලන්ත කණ්ඩායම පරාජය කර මෙවර ලෝක කුසලාන තරගාවලියේ තමන් ලැබූ පළමු ජයග්‍රහණය වාර්තා කිරීමට එංගලන්ත කණ්ඩායම අද (24දා) සමත්වුණා.

පළමුවෙන් පන්දුවට පහරදුන් එංගලන්ත කණ්ඩායමෙන් එල්ල වූ ලකුණු 304ට පිළිතුරු වශයෙන් ස්කොට්ලන්ත කණ්ඩායමට රැස්කර ගත හැකිවූයේ ලකුණු 184ක් පමණයි.

එංගලන්ත ඉනිමට සාර්තක ආරම්භයක් ලබාදීමට මොයින් අලී හා ඉයන් බෙල් සමත්වුණේ පළමු කඩුල්ලට ලකුණු 172ක සබඳතාවක් ගොඩනගමින්.

අගනා ශතකයකින් එංගලන්ත ඉනිම හැඩගැන්වූ අලි තරගයේ වීරයා ලෙස සම්මාන ලැබුවා. පන්දු යැවීමේදී ජෙම්ස් ඇන්ඩර්සන් කඩුලු 2ක් බිදහෙළීමට සමත්වුණා.