ඉන්දීය - පාකිස්තාන ක්‍රිකට් ගැටුම අද

සංජීව ධර්මසේන මීර්පූර් ක්‍රීඩාංගණයේ සිට

බංගාදේශයේ පැවැත්වෙන ආසියානු කුසලාන පන්දුවාර විස්සයි20 ක්‍රිකට් තරගාවලියේ සිව්වැනි තරගය ලෙස ඉන්දියාව හා පාකිස්තානය අතර තරගය තව පැය 2.00 කාලයකින් ආරම්භකිරීමට නියමිත ඇති අතර, මෙය ශ්‍රී ලංකා වේලාවෙන් ප.ව. 7.00 පැවැත්වේ.

ජාත්‍යත්තර ක්‍රිකට් පිටියේ ප්‍රධානම එරිදිවාදී කණ්ඩායම් දෙක ඉන්දියාව හා පාකිස්තානය වන අතර, එම තරගය නැරඹීම සඳහා ඉන්දීය හා පාකිස්තානු ක්‍රීඩා ලෝලීන්ට අමතරව බංග්ලාදේශ ක්‍රීඩා ලෝලීන්ද ක්‍රීඩාංගණයට සේන්දුවෙමින් සිටියි.

ඉන්දියාව හා පාකිස්තානය අතර මේ දක්වා විස්සයි20 තරග 06 ක් පවත්වා ඇති අතර, ඉන් තරග 04 ක ජය ඉන්දියාව විසින් තහවුරු කරගෙන ඇති අතර, පාකිස්තායට ජයගැනීමට හැකිවී ඇත්තේ එක් තරගයක් පමණි.