ආසියානු ප්‍රවීණයන්ගේ මලල ක්‍රීඩා තරගාවලියට අයදුම්පත් කැඳවේ

චීනයේ පැවැත්වෙන ආසියානු ප්‍රවීණයන්ගේ මලල ක්‍රීඩා තරගාවලිය සඳහා ශ්‍රී ලංකාව නියෝජනය කරමින් සහභාගි වන කණ්ඩායමේ තේරීමේ තරගය මැයි මස 20, 21 දිනවල දියගම මහින්ද රාජපක්‍ෂ ක්‍රීඩාංගණයේදී පැවත්වීමට ශ්‍රී ලංකා ප්‍රවීණයන්ගේ මලල ක්‍රීඩා සංගමය කටයුතු යොදා ඇත.

මේ සඳහා වයස අවුරුදු 35න් ඉහළ වයස් කාණ්ඩයේ පසුවන ස්ත්‍රී, පුරුෂ තරගකරුවන්ගෙන් අයදුම්පත් කැඳවීම මේ දිනවල සිදු කෙරේ.  මේ පිළිබඳ වැඩි විස්තර ශ්‍රී ලංකා ප්‍රවීණයන්ගේ මලල ක්‍රීඩා සංගමයේ සභාපති සුනිමල් රූපසිංහ මහතා (0777-901422/ 071-4398269) ඇමතීමෙන් ලබාගත හැකිය. ආසියානු ප්‍රවීණයන්ගේ මලල ක්‍රීඩා තරගාවලිය එළඹෙන සැප්තැම්බර් මසදී පැවැත්වීමට නියමිතය.