ආර්ජන්ටිනාව අවසන් අටදෙනා අතරට

ආර්ජන්ටිනාව 1-0 ස්විට්සර්ලන්තය

ස්විට්සර්ලන්ත කණ්ඩායම පරාජය කර ඊයේ (01දා) රාත්‍රියේ සා ඕ පෝලෝහි කොරින්තියාන්ස් ක්‍රීඩාංගණයේදී පැවැති තරගයෙන් ගෝල 1-0 තියුණු ජයක් ලැබීමට ආර්ජන්ටිනා කණ්ඩායම සමත්විය.

තරගයේ නියමිත කාලය අවසන් වනවිට කණ්ඩායම් දෙකටම ගෝල වාර්තා කිරීමට නොහැකිවූ අතර, ඒ හේතුවෙන් අතිරේක කාලයක් ලබාදීමට විනිසුරුවරු තීරණය කළහ.

එම මිනිත්තු 15 ක කාලය අවසන් වනවිටත් කිසිදු කණ්ඩායමට ගෝල ලබාගැනීමට කිසිවෙකුටත් නොහැකිවීම හේතුවෙන් නැවත වරක් අතිරේක මිනිත්තු 15 කාලයක් ලබාදුන් අතර, එහිදී තරගයේ 118 වැනි මිනිත්තුවේදී ආර්ජන්ටිනා කණ්ඩායමේ එන්ජල් ඩි මාරියා ගෝලයක් වාර්තා කරමින් තරගය ජය තම කණ්ඩායමට හිමිකර දුන්නේය.

ආර්ජන්ටිනා කණ්ඩායම ලැබූ ජයග්‍රහණයත් සමගින් අවසන් අට දෙනාගේ වටයට සුදුසුකම් ලැබීය. ස්විට්සර්ලන්ත කණ්ඩායමක් 1954 වසරෙන් පසු මේ දක්වා අර්ධ අවසන් පූර්ව වටයකට සුදුසුකම් ලබා නොමැත.