ආර්ජන්ටිනාව බලාපොරොත්තු ඇති කරගනියි

ලෝක කුසලාන රග්බි තරගාවලියේ 'සී' කාණ්ඩයේ අද (04දා) පැවැති තරගයකින් ටොංගා කණ්ඩායම පරාජය කර ලකුණු 45 - 16 ක් ලෙස පහසු ජයක් ලැබීමට ආර්ජන්ටිනා (පූමාස්) කණ්ඩායම සමත්විය. මෙම ජයග්‍රහණයත් සමඟ අර්ධ අවසන් පූර්ව වටයේ බලාපොරොත්තු ඇතිකරගැනීමට ආර්ජන්ටිනා ක්‍රීඩකයන්ට හැකිවිය.

කෙසේ නමුත් මෙම තරගයේ ආරම්භයේ යම් සටන්කාමීත්වයක් ටොංගා කණ්ඩායමෙන් ඉස්මතු වූ අතර, ඒ හේතුවෙන් ආර්ජන්ටිනා ක්‍රීඩකයන්ට පළමු අර්ධය අවසන් වනවිට ඉදිරියෙන් සිටීමට හැකිවූයේ ලකුණු 20 - 13ක් ලෙසය.

ජයග්‍රාහී ආර්ජන්ටිනා ක්‍රීඩකයෝ ගෝල දිනුම් 04ක්, උත්සාහක දිනුමක් හා දඩුවම් පහර 04ක් සාර්ථක කරගැනීමට සමත්වූ අතර, ටොංගා ක්‍රීඩකයන්ට සාර්ථක කරගැනීමට හැකිවූයේ උත්සාක දිනුම් 02ක් හා දඩුවම් පහර 02ක් පමණි.