අයර්ලන්තය අර්ධ අවසන් පූර්ව වටයට

ලෝක කුසලාන රග්බි තරගාවලියේ 'ඩී' කාණ්ඩයේ ඊයේ (04දා) පැවති තරගයකින් ඉතාලි කණ්ඩායම පරාජය කර ලකුණු 16 - 09 ක් ලෙස ජය ලැබීමට අයර්ලන්තය සමත්විය.

ඒ අනුව මෙම තරගාවලියේ අර්ධ අවසන් පූර්ව වටයේ සිය ස්ථානය වෙන්කර ගැනීමට අයර්ලන්තයට හැකිවිය.

මෙම තරගයේ පළමු අර්ධය අවසන් වනවිටත් අයර්ලන්ත ක්‍රීඩකයෝ ලකුණු 10 - 06 ක් ලෙස පෙරමුණ ගෙන සිටියේය.

ජයග්‍රාහී අයර්ලන්ත ක්‍රීඩකයෝ ගෝල දිනුමක් හා උත්සාහක දිනුම් 03ක් සාර්ථක කරගැනීමට සමත්වූ අතර, ප්‍රතිවාදි ඉතාලි ක්‍රීඩකයන්ට ඔවුන් ඉදිරියේ සාර්ථක කරගැනීමට හැකිවූයේ දඩුවම් පහර 03ක් පමණි.