සත් සාමාජික කාන්තා රග්බි ශූරතාව යුධ හමුදාවට

පසුගිය වර ශූරයන් වූ නාවික හමුදා 'ඒ' කණ්ඩායම ලකුණු 22-10 ක් ලෙස පරාජයට පත්කරමින් මෙවර අන්තර් සමාජ කාන්තා සත් සාමාජික රග්බි තරගාවලියේ කුසලාන ශූරතාව දිනාගැනීමට යුද හමුදා 'ඒ'  කණ්ඩායම ඊයේ (19දා) සමත් විය.

කොළඹ හැව්ලොක්ස් ක්‍රීඩාංගණයේ විදුලි ආලෝක මධ්‍යයේ පැවැති මෙම තරගයේ පළමු අර්ධය නිමාවට පත්වන විට ලකුණු 5-5 ක් ලෙසින් කණ්ඩායම් දෙකම සම තත්ත්වයේ පසුවිය.

මේ අතර මෙම තරගාවලියේ එදින පැවැති පළඟ ශූරතා අවසන් තරගයෙන් සබරගමුව කණ්ඩායම ලකුණු 53 -00 ක් ලෙස පරාජය කර ශූරතාව දිනාගැනීමට ගුවන් හමුදා 'බී' කණ්ඩායම සමත් විය. මෙහිදී පැවැති ශූරතාවලදී බඳුන ශූරතාව නාවික හමුදාව 'බී' කණ්ඩායම විසින්ද පළිහ ශූරතාව රත්ගම ක්‍රීඩා සමාජය විසින්ද හිමි කරගත්තේය.

තරගාවලියේ දක්ෂතම ක්‍රීඩිකාව ලෙසින් යුද හමුදා කණ්ඩායමේ අයේෂා පෙරේරා සම්මාන දිනාගත්තාය.

කණ්ඩායම් 10 ක් සහභාගී වූ තරගාවලියේ අවසන් දිනයේ ප්‍රධාන ආරාධිතයා ලෙස නව ශ්‍රී ලංකා ගුවන් හමුදාපති ගගන් බුලත්සිංහල මහතා සහභාගී විය.

ජයග්‍රාහී යුධ හමුදා කණ්ඩායම

නාවික හමුදා යුධ හමුදා අතර අවසන් තරගයේ අවස්ථාවක්

යුධ හමුදා 'ඒ' කණ්ඩායමේ නායිකාව ශූරතාව ලබා ගනිමින්

තරගාවලියේ  දක්ෂතම ක්‍රීඩිකාව

පළඟ ශූරතාවයේ අවසන් තරගයේ අවස්ථාවක්

ඡායාරූප- ඒෂාන් ප්‍රනාන්දු