අජ්මාල් නිල නොවන පරීක්ෂණයකට

පාකිස්තාන කණ්ඩායමේ දග පන්දු යවන ක්‍රීඩක සහීඩ් අජ්මාල් එළැඹෙන සඳුදා දිනයේදී එංගලන්තයේ ලාබ්‍රෝ විශ්වවිද්‍යාලයේදී ඔහුගේ පන්දු යැවීමේ ඉරියව්ව නිල නොවන ආකාරයෙන් පරීක්ෂා කිරීමට නියමිතය.

ඉන් ලැබෙන ප්‍රතිපලය මත අජ්මාල් නැවත වරක් අයි.සී.සී. පරීක්ෂණයට ඉදිරිපත් කිරිමට නියමිතය.

සහීඩ් අජ්මාල්ගේ පන්දු යැවිමේ ඉරියව්ව ශ්‍රී ලංකාව හා ගාල්ලේදී පැවැති ටෙස්ට් තරගයේදි අංශක 15 නීතිය කඩ කරන බවට වාර්තා වූ අතර ඉන් අනතුරුව කරනු ලැබූ පරීක්ෂණයේදි එය සනාථ විය.

ලාහෝර්හි පවතින පාකිස්තානු ජාතික ක්‍රිිකට් ඇකඩමියේදි පාකිස්තානු හිටපු දග පන්දු යවන ක්‍රීඩක ශක්ලෙන් මුෂ්ටාක් යටතේ අජ්මාල් සිය ඉරියව් වෙනස්කර ගෙන තිබේ.