19 න් පහළ ක්‍රිකට් කණ්ඩායම හෂාන්ට

- 3 06 2018 - 16:10 - {{hitsCtrl.values.hits}} views - රුවන් කාශ්‍යප

19 න් පහළ ශ්‍රී ලංකා ක්‍රිකට් කණ්ඩායමේ පුහුණුකරු ලෙස හිටපු ශ්‍රී ලංකා ක්‍රිකට් ක්‍රීඩක හෂාන් තිලකරත්න මහතා පත්කර ඇත. ක්‍රිකට් ආයතනය නිවේදනය කරන්නේ එළැඹෙන 19 න් පහළ ලෝක කුසලාන තරගාවලිය තෙක් ඔහු එම කණ්ඩායමේ පුහුණකරු ලෙස කටයුතු කරනු ඇති බවයි.

ශ්‍රී ලංකා ක්‍රිකට් කණ්ඩායමේ පිතිකරණ පුහුණුකරුවෙක් ලෙස කටයුතු කළ හෂාන් තිලකරත්න අයි.සී.සී. දෙවැනි හා තෙවැනි ශ්‍රේණියේ සුදුසුකම් ලත් පුහුණුකරුවෙකි.

ශ්‍රී ලංකා සුපිරි පළාත් තරගාවලියේ ගාලු කණ්ඩායමේ පුහුණුකරු ලෙස කටයුතු කළ හෂාන් සිවුදින තරගාවලියේ ශූරතාවය දක්වා කණ්ඩායම රැගෙන ගියේය. හෂාන් ටෙස්ට් තරග 83කදී හා එක්දින තරග 200කදී ශ්‍රී ලංකා කණ්ඩායමට සිය දායක්ත්වය ලබාදී ඇත.