තරග විකිණීමේ සැලැස්ම ෆිෆා සභාපති ඉවත් කර ගනියි

පුළුල් විරෝධයක් මතුවීමත් සමඟ, තම පාලක මණ්ඩලයේ ප්‍රධාන තරඟාවලිවල කොටස් විකිණීම සඳහා වූ මතභේදාත්මක සැලැස්ම අත්හැර දැමූ බව ෆීෆා (FIFA) සභාපති ජියානි ඉන්ෆැන්ටිනෝ පවසයි.

මෙම ව්‍යාපෘතිය මගින් "බෙදීම්" ඇති වී ඇති බවත්, එම තත්ත්වය එහි මුල් අරමුණට තවදුරටත් හිතකර නොවන බවත් පැහැදිලි වී ඇතැයි ඉන්ෆැන්ටිනෝ සඳහන් කළේය.

ස්විට්සර්ලන්ත ජාතික නිලධාරියා වැඩිදුරටත් කියා සිටියේ, "ඒ අනුව, මෙම යෝජනාව ඉදිරියට ගෙන  නොයනු ඇත," යනුවෙනි.

පිරිමි සහ කාන්තා ලෝක කුසලාන තරඟාවලි ඇතුළු තම තරඟාවලි සඳහා පෞද්ගලික ආයෝජන ලබා ගැනීමට අදාළ යෝජනාවට සහාය පළ කළහොත්, සාමාජික සංගම් 211ටම ඩොලර් මිලියන 40ක (පවුම් මිලියන 30ක) මුදලක් ලබා දීමට ඉන්ෆැන්ටිනෝ මීට පෙර යෝජනා කර තිබුණි.