පළාත් සභා සීමානිර්ණ වාර්තාව පාර්ලිමේන්තුව තුළදී පරාජයට පත්වූයේ වාර්තාවේ පැවැති අඩුපාඩු නිසා බව පළාත් සභා හා පළාත් පාලන අමාත්‍ය ෆයිසර් මුස්තාපා මහතා සඳහන් කළේය.

ශ්‍රී ලංකාව සහ වියට්නාමය අතර ද්විපාර්ශ්වික වෙළෙඳාම 2020 වන විට අමෙරිකානු ඩොලර් බිලියනයක් දක්වා ඉහළ නැංවීම සඳහා නිරන්තර සාකච්ඡා සහ සැලසුම් ක්‍රියාත්මක කිරීමේ අවශ්‍යතාවය පිළිබඳව දෙරටේ අවධානය යොමුව තිබේ.

ශ්‍රී ලංකා ක්‍රිකට් ආයතනය සංවිධානය කරන විස්සයි20 ලීග ක්‍රිකට් තරගාවලිය පැවැත්වෙන ස්ථාන වෙත සැකකටයුතු පුද්ගලයින් පැමිණ ඇති බව ශ්‍රි ලංකා ක්‍රිකට් ආයතනය තහවුරු කරයි.

අද (27දා) සවස පැවැති සාකච්ඡාවේදී මාස 02ක් තුළ ගැටලු විසඳන බව පොරොන්දු වූ බවද දුම්රිය අධීක්ෂණ නිලධාරීන්ගේ සංගමයේ සමකැඳවුම්කරු ලාල් ආරියරත්න මහතා සඳහන් කළේය.

ශ්‍රී ලංකාවේ ආර්ථික සංවර්ධනයට පදනම් වන ඉන්දියානු ආයෝජන වැඩිදියුණු කිරීමටත්, නිවාස, වරාය හා ගුවන් සේවා අංශයන් පුළුල් කිරීම සඳහාත් ඉන්දීය රජයේ පූර්ණ සහාය ලබාදීමට දිගින් දිගටම කටයුතු කරන බව ඉන්දීය විදේශ ඇමැතිනී ශ්‍රීමතී සුෂ්මා ස්වරාජ් මහත්මිය ප්‍රකාශ කළාය.

අගෝස්තු 29 වැනිදා පැවැත්වෙන මෙම හමුවේදී ශ්‍රි ලංකා නියෝජිත පිරිස අයි.සී.සී. සභාපති ශාසන්ක් මනෝහර් හා එහි ප්‍රධාන විධායක නිලධාරී ඩේවිඩ් රිචඩ්සන් සමග සාකච්ඡා පැවැත්වීමට නියමිතය.

හිටපු ජනපති මහින්ද රාජපක්ෂ මහතාගේ බාල සොහොයුරු චන්ද්‍රා රාජපක්ෂ මහතාගේ අවමංගල්‍යයට එක්වීමට ඔහු මෙසේ මැදමුලනට ගොස් තිබේ.

සිංගප්පූරු වෙළෙඳ ගිවිසුම හා අත්සන් කිරීමට නියමිත වෙළෙඳ ගිවිසුම පරාජයට පත්කිරීම සඳහා විද්වතුන්, වෘත්තීයවේදීන් හා ජනතාවගෙන් සමන්විත පුළුල් පෙරමුණක් පිහිටුවන බව රජයේ වෛද්‍ය නිලධාරීන්ගේ සංගමය සඳහන් කරයි.

මෙම විරෝධතාව හේතුවෙන් මාර්ගයේ අධික රථවාහන තදබදයක් නිර්මාණයවී තිබේ.

රාජ්‍ය සේවයේ වැටුප් සමාලෝචන විශේෂ ජනාධිපති කොමිසමේ නිර්දේශ එළැඹෙන ඔක්තෝබර් 30 දාට පෙර ඉදිරිපත් කරන ලෙස ජනපති මෛත්‍රීපාල සිරිසේන මහතා උපදෙස් දුන්නේය. ඒ හරහා ඉදිරි අය වැය යෝජනා සම්පාදනයේදී මගපෙන්වීමක් ලබාගත හැකි බව ද ජනාධිපතිවරයා සඳහන් කළේය.

ඇති වී තිබෙන ප්‍රජාතන්ත්‍රවාදය ගැන දවස් ගණනක් කතා කළ හැකි බවත්, පොත් සිය ගණනක් ලිවීමට හැකියාව තිබෙන බවත් ජනාධිපතිවරයා පවසා සිටියේය.

ඒ මහතා මිය යන විට 77 වැනි වියේ පසුවිය.

බංග්ලාදේශයේ සංචාරයකට එක්වන ලෙස අග්‍රාමාත්‍ය රනිල් වික්‍රමසිංහ මහතා වෙත බංග්ලාදේශ සැලසුම් අමාත්‍ය ඒ.එච්.එම්. මුස්තෆා කමල් මහතා ආරාධනා කරනු ලැබීය.

වනජීවී නිලධාරීන් පිරිසක් හා ගම්වාසීන් පිරිසක් අත ඊයේ (26දා) ඇතුවූ උණුසුම්කාරී තත්ත්වයක් හේතුවෙන් මින්නේරිය ජාතික වනෝද්‍යානය තාවකාලිකව වසා දමා ඇත.

මීට දින කිහිපයට පෙර ජපානයේ ආරක්ෂක අමාත්‍යවරයාද ශ්‍රී ලංකාවේ සංචාරයකට එක්වූ අතර එය ජපාන ආරක්ෂක අමාත්‍යවරයෙක් ශ්‍රී ලකාවට පැමිණි පළමු අවස්ථාව වෙයි.

පොළොන්නරුව ප්‍රදේශයේ මාර්ග පුළුල් කිරීම හේතුවෙන් ජලනළ වෙනස් කිරීමට පොළොන්නරුව හා අවට ප්‍රදේශවල පැය 09ක කාලයක් ජල සැපයුම අත්හිටුවන බව ජල සම්පාදන මණ්ඩලය සඳහන් කරයි.

තරග 4කදී ලසිත් පන්දුවාර 16ක් යොමකරමින් ප්‍රතිවාදීන්ට ලකුණු 118ක් ලබාදී දවාගෙන ඇත්තේ එක් කඩුල්ලක් පමණි. ඒ අනුව පන්දු යවන්නන් 43ක් අතරින් මාලිංග පසුවෙන්නේ 32 වැනි ස්ථානයේය

ශ්‍රී ලාංකාවේ දේශීය සහල් වර්ගයක් වන ස්වයංජාත ඇල් යුරෝපයට ගෙනගොස් සාර්ථකව වගාකළ ලාංකිකයෙකු පිළිබඳ පුවතක් ඉතාලියේ වෙරොනා නගරයෙන් වාර්තා වේ.

කන්දෙගෙදර සිට බදුල්ල බලා ධාවනය වූ ලංගම බස් රථයක් අද උදෑසන 8.00 ට පමණ බදුල්ල අලුගොල්ල කන්දෙන් අඩි 150ක ප්‍රපාතයකට පෙරළී අනතුරට ලක්වීමෙන් 13 හැවිරිදි දරුවෙකු මියගොස් 34 දෙනෙක් තුවාල ලබා ඇති බව බදුල්ල පොලීසිය පවසයි.

මේ දිනවල පැවැත්වෙන ශ්‍රී ලංකා ක්‍රිකට් විස්සයි20 පළාත් ලීග් ක්‍රිකට් තරගාවලියේදී ප්‍රධාන පෙළේ ක්‍රිකට් ක්‍රීඩකයන් කිහිපදෙනෙකුට මුදලට තරග පාවාදීමේ චෝදනා එල්ල වී ඇතැයි ’අද’ පුවත්පතට කරුණු වාර්තා වේ.

2015 සහ 2016 දී 350,000 යි මේ වසරේ තවමත් 175,000 යි, මැදිවයසේ පුද්ගලයන්ගේ උනන්දුවද අඩුවෙලා, ඡන්දය අයිතියකි, සැප්. 06 දාට පෙර ලියාපදිංචි වන්න

එක්සත් ජාතීන්ගේ සංවිධානයේ විශේෂ ක‍්‍රියාකාරී කමිටු දෙකක් විසින් ශ්‍රී ලංකාවේ මානව හිමිකම් තත්ත්වය සම්බන්ධයෙන් සකසන ලද විශේෂ වාර්තා දෙකක් එක්සත් ජාතීන්ගේ මානව හිමිකම් කවුන්සිලයට ඉදිරිපත් කිරීමට නියමිත බව වාර්තා වේ.

ඊයේ දකුණු කොරියාවේ පැවැති අවසන් තරගයේදී ඉන්දිය කණ්ඩායම වට 2 ට 1ක් ලෙස පරාජයට පත් කිරීමට ශ්‍රී ලංකා කණ්ඩායම සමත්විය.

අබු සාද් එර්හාබි ඇතුළු අනුගාමිකයන් 10 දෙනෙකු ජීවිතක්ෂයට පත්ව ඇත්තේ ඇමෙරිකාව ප්‍රමුඛ ඒකාබද්ධ ගුවන් ප්‍රහාරයකිනි.

එස්.බී. දිසානායක මන්ත්‍රීවරයා ශ්‍රී ලංකා නිදහස් පක්ෂයේ භාණ්ඩාගාරිකවරයා ලෙස කටයුතු කරනවා. මේ අනුව ශ්‍රී ලංකා නිදහස් පක්ෂයේ ස්ථාවරය ඔහු ප්‍රකාශ කළා යැයි මෙයින් පැහැදිලි වනවා.

මෙරට ඖෂධ නිෂ්පාදනය කරනු ලබන සමාගම්වලට මුදල් අමාත්‍යාංශයෙන් ගෙවිය යුතු රුපියල් බිලියන 20ක හිඟ මුදල් නොගෙවීම නිසා ඖෂධ නිෂ්පාදන කටයුතු අඩාළ වන තත්ත්වයක් උදා වී ඇතැයි වාර්තා වේ.

දුම්රිය ස්ථානාධිපති, නියාමක රියදුරු පාලකවරුන්ගේ වැටුප් ගැටලුව හෙට (27දා) සවස වන විට විසඳන බවට වැටුප් කොමිෂම ප්‍රකා‘ශ කර තිබෙන බව දුම්රිය එන්ජින් රියදුරු සංගමය සඳහන් කරයි.

ජනාධිපති මෛත්‍රීපාල සිරිසේන මහතා සහ හිටපු ජනාධිපති මහින්ද රාජපක්ෂ මහතා අතර හොඳහිත ඇති කිරීම සඳහා ආණ්ඩුවෙන් ඉවත් වූ ශ්‍රීලනිප 16 දෙනාගේ කණ්ඩායමේ ප්‍රබලයන් කිහිප දෙනෙකු මැදිහත් වී සිටින බව දේශපාලන ආරංචි මාර්ග සඳහන් කරයි.

වීරකැටිය මැදමුලන ඩී.ඒ. රාජපක්‍ෂ ස්මාරකය ඉදිකිරීමේදී රුපියල් කෝටි තුනකට අධික මුදලක් අවභාවිත කළ බවට චෝදනා කරමින් හිටපු ආරක්‍ෂක ලේකම් ගෝඨාභය රාජපක්‍ෂ මහතා ඇතුළු හත්දෙනෙකුට එරෙහිව නීතිපතිවරයා ත්‍රිපුද්ගල විශේෂ මහාධිකරණය හමුවේ පසුගියදා (24දා)නඩු පැවරීය.