කොවිඩ් 19 ආසාදනය වූ තවත් ආසාදිතයන් 8ක් හදුනාගෙන ඇති බව වසංගත රෝග විද්‍යාතනය සඳහන් කරයි.

එක්සත් රාජධානියේ මහ කොමසාරිස්වරිය ලබාගත් වෛද්‍ය ප්‍රතිකාර පිළිබඳව ඇතැම් පුවත්පත් හා වෙබ් අඩවීන් මගින් පළ කර ඇති චෝදනාත්මක පුවත් සම්බන්ධයෙන් තව අවධානය යොමුව ඇති බව විදේශ කටයුතු අමාත්‍යාංශය පවසයි.

පොසොන් පොහොය නිමිත්තෙන් ජූනි මස 05 සහ 06 යන දෙදින දිවයිනේ පිහිටි සියළුම සුරාසැල් වසා තැබීමටත්, සුපිරි වෙළදසැල් වල මත්පැන් අලෙවිය නැවැත්වීමට රාජ්‍ය පරිපාලන, ස්වදේශ කටයුතු සහ පළාත් සභා හා පළාත් පාලන අමාත්‍යාංශය නියෝග කර තිබේ.

රටවිරුවෝ විදෙස් රටවල ශ්‍රම කඳවුරු ගාල් තුළ - ඡන්දයට ලංකාවට ගෙන්වූ රටවිරුවන් ගැන අද තැකීමක් නෑ./මැති ඇමතිවරුන්ගේ, ඉහළ නිලධාරීන්ගේ දරුවන් මෙරටට ගෙන්වීමට දුන් ප්‍රමුඛතාවට රටට මෙහෙවරක් කරන විදෙස්ගත ශ්‍රමිකයින්ට නෑ./ ඉහළ විනයකින් යුත් හමුදා කඳවුරු තුළ කෝවිඩ් මර්ධනය කරගන්න බැරි අය, අපි රටේ කෝවිඩ් මර්ධනය කළා යැයි නාටක නැටීම තරම් විහිළුවක් තවත් නෑ.

කොවිඩ් 19 ආසාදනය වූ තවත් ආසාදිතයන් 9ක් හදුනාගෙන ඇති බව වසංගත රෝග විද්‍යාතනය සඳහන් කරයි.

2020.05.29 දින සිට මධ්‍යම රාත්‍රී 12.00 සිට 2020.05.31 වන දින මධ්‍යම රාත්‍රී 12.00 දක්වා ක්‍රියාත්මක වන පරිදි නුවරඑළිය දිස්ත්‍රික්කය සඳහා නිරෝධායන ඇඳිරි නීතිය පනවා තිබේ.

කොවිඩ් 19 ආසාදනය වූ තවත් නාවික රණවිරුවෙක් හඳුනාගෙන ඇතැයි වසංගත රෝග විද්‍යායතනය සඳහන් කරයි.

පිලිපීන නාවික හමුදාවට අයත් BRP Davao del Sur නෞකාව සහ BRP Ramon Alcaraz යන නෞකාවන් ශ්‍රී ලංකාවේ රැදී සිටින පිලිපීන ජාතිකයින් පිරිසක් එරටට රැගෙන යාම සඳහා අද (2020 මැයි මස 29) උදෑසන කොළඹ වරායට සේන්දු විය.

එක්සත් ජාතික පක්ෂය කිසිවිටෙකත් රජය සමඟ එක්ව ජාතික ආණ්ඩු නොහදන බවත්, නමුත් කොරෝනා මර්දන කටයුතු සඳහා උපරිම සහයෝගය ලබා දෙන බවත් එක්සත් ජාතික පක්ෂ නායක රනිල් වික්‍රමසිංහ මහතා පවසයි.

පක්ෂ සභාපති තනතුරටත්, නියෝජ්‍ය නායක තනතුරටත් කිසිවෙක් පත් කර නොමැති බවත්, එම තනතුරු ඉදිරියේදී පත් කිරීමට නියමිත බවත් වාර්තාවේ.

ආයතනිකව හා පෞද්ගලිකව ලැබෙන පරිත්‍යාග හා සෘජු තැන්පතු සමග “ඉටුකම COVID – 19 සෞඛ්‍ය හා සමාජ ආරක්ෂණ අරමුදලේ” ශේෂය රුපියල් මිලියන 1,213 ඉක්මවා තිබේ.

නිවසෙන් අතුරුදහන්වූ 23 හැවිරිදි තරුණියගේ සිරුරේ කොටස් ළඳු කැලෑවක තිබී හමුවේ, අක්කා සහ ඇයගේ පෙම්වතා සැකපිට අත්අඩංගුවට

නල්ලතන්නිය ලක්ෂපාන වාලමලෙයි එළවලු වගා ගොවිපලක මන්දකට හසු වි මුදා ගත් කළු කොටියාගේ පශ්චාත් මරණ පරික්ෂණය පේරාදෙණිය පශු වෛද්‍ය පිඨයේ සිදු කර එහි වාර්තාව 07.29 දින හැටන් මහෙස්ත්‍රාත් අධිකරණය වෙත ඉදිරිපත් කරන ලෙස හැටන් දිසා විනිසුරු සහ මහෙස්ත්‍රාත් ජේ.ට්‍රොස්කි මහතා අද (29) දින නියෝගයක් නිකුත් කලා.

නුවරඑළිය දිස්ත්‍රික්කයේ දේශපාලනඥයෙක් වු අරුමුගන් තොන්ඩමන් මහතාගේ අභාවයෙන් පසු එතුමාගේ පවුලේ අය දේශපාලනයට ගෙන්වන්න කටයුතු කළේ මමයි.

ආණ්ඩුව සමග ගණුදෙනු කරමින් එක්සත් ජාතික පක්ෂය සහ පාක්ෂිකයින්ව පාවාදෙමින් සිටින සුළු කල්ලියට එරෙහිව විශ්වාසභංග යෝජනාවක් ගෙන ඒමට කෘත්‍යාධිකාරී මණ්ඩලයේ බහුතරය තීන්දු කළ බව සමගි ජනබලවේගයේ මහලේකම් රංජිත් මද්දුමබණ්ඩාර මහතා පවසයි.

ශ්‍රී ලංකාවේ නව ඉන්දීය මහකොමසාරිස් ගෝපාල් බග්ලේ මහතා අද (29) පෙරවරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා හමු විය.

කොවිඩ් - 19 වෛරසය ආසාදනයවී රෝහල් ගතව ප්‍රතිකාර ලැබූ තවත් නාවික හමුදා පුද්ගලයින් 09 දෙනෙකු වෛරසය ශරීර තුල නොමැති බවට සිදු කල පීසීආර් පරීක්‍ෂණ මගින් තහවුරු කර ගැනීමෙන් අනතුරුව ඊයේ ( 28) දින එම රෝහල් වෙතින් මුදා හැරීමට කටයුතු කර ඇත.

එක්සත් ජාතික පක්ෂයේ සිට සමගි ජාතික බලවේගයට එක්වූ එක්සත් ජාතික පක්ෂ සාමාජිකයන් 99කගේ එක්සත් ජාතික පක්ෂ සාමාජිකත්වය ඉවත් කර තිබේ.

ධීවර හා ජලජ සම්පත් අමාත්‍ය ඩග්ලස් දේවානන්දා මහතා හමුවට පැමිණි සමස්ත ලංකා මාදැල් හිමියන්ගේ සංගමයේ සභාපති නෝනිස් පියතුමා ඇතුළු නියෝජිත පිරිස දිගුකාලීනව මාදැල් ධීවර කර්මාන්තයේ යෙදී සිටින ධීවරයින් මුහුණ දී ඇති ගැටලු පිළිබදව සාකච්ඡාවක් පැවැත්විණි.

කොවිඩ් 19 ආසාදනය වී රෝහල්ගතව ප්‍රතිකාර ලැබූ තවත් රෝගීල් 9ක් සුවය ලබා රෝහල්වලින් පිටව ගොස් තිබේ.

හිටපු පාර්ලිමේන්තු මන්තී‍්‍ර ෆීල්ඞ් මාර්ෂල් සරත් ෆොන්සේකාගෙන් කොළඹ අපරාධ කොට්ඨාසය අද පැයකට අධික කාලයක් ප‍්‍රකාශ සටහන් කර ගත්තේය.

ඉදිරි මහ මැතිවරණය සඳහා සජිත් ප්‍රේමදාස මහතාගේ නායකත්වයෙන් යුත් සමගි ජන බලවේගය විසින් ඉදිරිපත් කළ නාමයෝජනා පත් අහෝසි කරන ලෙස මැතිවරණ කොමිසම වෙත රිට් ආඥාවක් නිකුත් කරන්නැයි ඉල්ලා ගොනු කර ඇති පෙත්සම ලබන 09 වනදා සලකා බැලීමට ශ්‍රේෂ්ඨාධිකරණය නියම කළේය.

දුම්රිය ධාවනයේ දි වරින්වර සිදුවන දුම්රිය ප්‍රමාදවීම් සම්බන්ධව මහජනතාවගෙන් නිරන්තරයෙන් තමන්ට දුරකථනය ඔස්සේ මෙන්ම ලිපි මගින් ද පැමිණිලි ලැබෙන නිසා දුම්රිය ප්‍රමාදවීම් හා ඒවාට හේතුවන කරුණු සම්බන්ධව සවිස්තරාත්මක වාර්තාවක් ලබා දෙන්නැයි විදුලිබල බලශක්ති හා ප්‍රවාහන සේවා කළමනාකරණ අමාත්‍ය මහින්ද අමරවීර මහතා දුම්රියෙන් දෙපාර්තමේන්තුවට දැනුම් දි තිබිණි.

අන්තර්ජාල පහසුකම් සහිත හෝ රහිත ඕනෑම දුරකථනයක් භාවිතයෙන් ගාස්තු රහිතව නිවසේ සිට තම පාසලේ ගුරුවරුන්ගෙන් අධ්‍යාපනය ලැබීමට දරුවන්ට අවස්ථාව සලසා දීමට අධ්‍යාපන අමාත්‍යාංශය සමග ඩයලොග් ආසියාටා සමාගම එක්ව සිටී.

ශ්‍රී ලංකාවට පැමිණීමට නොහැකිව එංගලන්තයේ රැදී සිටි ශ්‍රී ලාංකිකයන් 221 ක් රැගෙන ශ්‍රී ලන්කන් ගුවන් සේවයේ විශේෂ ගුවන් යානයක් අද (29) දින දහවල් ලන්ඩන් නුවර සිට කටුනායක ගුවන් තොටුපළ වෙත පැමිණ තිබේ .

කටුනායක ගුවන් තොටුපළට පැමිණෙන සියලු ගුවන් මගීන් පි.සී.ආර් පරීක්ෂාවට ලක් කෙරේ.

කොරෝනා වසංගත රෝග තත්ත්වය නිසා ඉන්දියාවට යෑමට නොහැකිව ශ්‍රී ලංකාව තුළ රැදී සිටි ඉන්දීය ජාතිකයන් 170 ක් , යළි ඉන්දියාව වෙත රැගෙන යෑම සදහා , ඉන්දීය ගුවන් සේවයට අයත් විශේෂ ගුවන් යානයක් අද (29) දින උදෑසන මුම්බායි නුවර සිට කටුනායක ගුවන් තොටුපළ වෙත පැමිණ තිබේ .

ජපානය සති දෙකකින් විශාලතම එක්දින ආසාදිත වර්ධනයක් වාර්තා කරමින් දෙවැනි රැල්ලක් පිළිබඳ බිය යළිත් ජනිත කර තිබේ.

නල්ලතන්නිය පොලිස් වසමට අයත් ලක්ෂපාන වලමලෙයි වත්තේ මන්දකට හසු වි මුදාගත් කළු කොටියා අද (29) දින උදෑසන උඩවලව ඇත් අතුරු සෙවනේදි මිය ගිය බව නල්ලතන්නිය වනජිවි කාර්යාලයේ නිලධාරින් පැවසිය.