අද (30) සවස 5.00වන විට තවත් කොවිඩ් ආසාදිතයන් පස්දෙනෙකු වාර්තා වී ඇති බව සෞඛ්‍ය අංශ සඳහන් කරයි.

අරන්තලාවේදී භික්‍ෂු වහන්සේලා 31 නමක් ඉතා අමානුෂික අන්දමින් ඝාතනය කිරීමට සම්බන්ධවී දැනට ජීවතුන් අතර සිටින ත‍්‍රස්තවාදීන්ට එරෙහිව වහාම පරීක්‍ෂණයක් සිදුකරන්නැයි ඉල්ලමින් එම භික්‍ෂු වහන්සේලා අතර සිට දිවි ගලවාගත් භික්‍ෂු වහන්සේ නමක් ශ්‍රේෂ්ඨාධිකරණයට අද (30) මුලික අයිතිවාසිකම් පෙත්සමක් ඉදිරිපත් කළහ.

කුවේට්හි සල්වා ප්‍රදේශයේ ශ්‍රී ලාංකිකයෙක් විසින් පවත්වාගෙන ගිය නීතිවිරෝධී මත්පැන් නිෂ්පාදන ස්ථානයක් එරට ආරක්ෂක අංශ වටලා තිබේ.

කොන්ක‍්‍රීට් කළ අතුරු මාර්ගයකට අදාළ වියදම් ඇස්තමෙන්තුව සකස් කරදීම සඳහා කොන්ත‍්‍රාත්කරුවකුගෙන් රුපියල් 8000/-ක අල්ලසක් ඉල්ලා ලබාගැනීමේ චෝදනාවන්ට වරදකරුවු යක්කලමුල්ල ප‍්‍රාදේශිය සභාවේ හිටපු තාක්‍ෂණික නිලධාරියාට කොළඹ මහාධිකරණ විනිසුරු ආදිත්‍ය පටබැඳිගේ මහතා වසර 12ක බරපතල වැඩ සහිත සිරදඬුවම් නියම කළේය.

සහසිකයින් පිරිසක් අතින් ඝාතනයවුණු ඉදුරුව මහ ඉදුරුව ගල්කන්ද විජයධම්ම පිරිවෙන් විහාරාධිපති විනයාචාර්‍ය යටියන බුද්ධානන්ද හිමියන්ගේ අවසන් කටයුතු අනිද්දා (2 ) පැවැත්වෙන බව විහාරස්ථ දායක සභාව සඳහන් කරයි.

පොලිස් මත්ද්‍රව්‍යනාශක කාර්යාංශය භාරව කටයුතු කළ නියෝජ්‍ය පොලිස්පති සංජීව මැදවත්ත මහතා පොලිස් සුබ සාධන කොට්ඨාසය වෙත මාරු කර තිබේ.

කොවිඩ් 19 වසංගතයෙන් ආරක්ෂාවීමට හොඳම තැන ඡන්ද මධ්‍යස්ථානය බව මැතිවරණ කොමිෂමේ සභාපති මහින්ද දේශප්‍රිය මහතා පැවැසීය.

සමස්තයක් ලෙස ගත්විට මෙවර මැතිවරණයේදී රාජ්‍ය දේපළ භාවිත කිරීම් සිදුව නොමැති බවත් තර්ජන කිරීම් නොමැති බවත් ඔහු සඳහන් කළේය. එසේම රාජ්‍ය ආයතනවල කටවුට් නොමැති බවත් රජ්‍ය මාධ්‍ය සම්බන්ධයෙන් බරපතල පැමිණිලි නොමැති බවත් ඔහු සඳහන් කළේය.

මුලතිව් දිස්ත්‍රික්කයේ ධීවර ජනතාවගේ ගැටලු පිළිබඳ සාකච්ඡා කිරීමේ හමුවක් මුලතිව් කයිතුරොයිපටිටි ප්‍රාදේශීය ලේකම් කාර්යාලයේදි ධීවර සංගම් නියෝඡිතයන් හා ධීවර හා ජලජ සම්පත් සංවර්ධන අමාත්‍ය ඩග්ලස් දේවානන්දා මහතාගේ ප්‍රධානත්වයෙන් පසුගියදා පැවැත්විණි.

ප්‍රේමදාස න්‍යාය පැහැදිලිව එක්සත් ජාතික පක්ෂය විසින් පිළිඅරගෙන තිබෙනවා මිනීමැරුම් සංස්කෘතිය මේ රටට හඳුන්වාදුන්නේ ප්‍රේමදාස මහත්තයා ඇතුළු එක්සත් ජාතික පක්ෂය බව හම්බන්තොට දිස්ත්‍රීක් හිටපු පාර්ලිමේන්තු මන්ත්‍රී නාමල් රාජපක්ෂ මහතා පැවසීය.

සෞඛ්‍ය අංශයේ සේවකයන් වෙනුවෙන් තැපැල් ඡන්දය ප්‍රකාශ කිරීම සඳහා අමතර දිනයක් වෙන්කර ඇති බව මැතිවරණ කොමිෂමේ සභාපති මහින්ද දේශප්‍රිය මහතා පැවැසීය.

පක්ෂ නායකයන් සහභාගීවන දේශාපාලන රැස්වීමකට සහභාගිකර ගත හැකි සංඛ්‍යාව 500ක් දක්වා වැඩි කිරීමට දේශපාලන පක්ෂ ඉල්ලීමක් කර ඇතැයි දැනගන්නට ඇති බව මැතිවරණ කොමිෂමේ සභාපති මහින්ද දේශප්‍රිය මහතා පවසයි.

සෞඛ්‍ය මාර්ගෝපදේශ අනුගමනය කරමින් මෙවර මැතිවරණය අනිවාර්යයෙන්ම පවත්වන බවත් එහෙත් ලෝකය කැරකීම නැවතුණහොත් හෝ හිමින් කැරකුණහොත් පමණක් මැතිවරණය නොපැවැත්වෙන බවත් ඔහු ප්‍රකාශ මැතිවරණ කොමිෂමේ සභාපති මහින්ද දේශප්‍රිය මහතා පැවැසීය.

මූල්‍ය සමාගම් සහ ලීසිං සමාගම් මගින් සිදුකරන අක්‍රමිකතා පිළිබඳ මහජන අදහස්, යෝජනා සහ පැමිණිලි බාර ගැනීම අදින් අවසන් වෙයි.

තේ වතු ආශ්‍රිතව සැරිසරන පැන්තරා පාදුස් වර්ගයේ ශ්‍රි ලංකාවට පමණක් ආවේණික වු කොටියන් සහ වනසතුන් ආරක්ෂා කර ගැනිමට වතු අධිකාරිවරුන් සමග වනජිවි දෙපාර්තමේන්තුව දියත් කර ඇති මදු ගැලවිමේ ව්‍යාපෘතිය සාර්ථකව සිදු කරමින් සිටින බව නල්ලතන්නිය වනජිවි කාර්යාලයේ වනසත්ව අඩවි ආරක්ෂක ප්‍රභාෂ් කරුණාතිලක මහතා පැවසිය.

කොවිඩ් 19 වසංගත තත්ත්වය නිසා විදුලි බිල්පත් නිසියාකාරව නොලැබීම හා ඇඳිරි නීතිය ඉවත් කිරීමෙන් පසුව විදුලි ගාස්තු වැඩි යැයි කියමින් මහජනතාවගෙන් තමන්ට දිනපතා දුරකථනය මගින් පණිවුඩ ලැබෙන බව විදුලි බල හා බලශක්ති අමාත්‍ය මහින්ද අමරවීර මහතා පැවසීය.

එමෙන්ම දෛයිනික ආදායම් ලබන් පවුල් සඳහා පසුගිය කාලයේ සඳහන් කළ ආකාරයෙන් රුපියල් 20,000ක දීමනාව ලබා දීමට කටයුතු කරන බවද ඔහු ප්‍රකාශ කළේය.

අගොස්තු මස 05 දා පැවැත්වීමට නියමිත මහ මැතිවරණයේ ඡන්දය ගණන් කිරීමේ කටයුතු 06 දා උදෑසන 08.00ට ආරම්භ කරන බව මැතිවරණ කොමිෂන් සභාවේ සභාපති මහින්ද පවසයි.

කොවිඩ් 19 වසංගත තත්ත්වය වළක්වා ගැනීම සඳහා සමාජ දුරස්ථභාවය පවත්වා ගැනීම, හා මාර්ග තදබදය වලක්වා ගැනීම හා රාජ්‍ය හා පුද්ගලික සේවය කාර්යක්ෂමතාවය ඉහළ නැංවීම අරමුණු ඇතිව පුද්ගලික හා රාජ්‍ය අංශයන්හි කාර්යාල ආරම්භ කරන හා අවසන් කරන වේලාවන් සංශෝධනයට කිරීමට රජය විසින් තීරණය කර තිබේ.

කොවිඩ් 19 වසංගතය හේතුවෙන් බිද වැටී ඇති මෙරට සංචාරක කර්මාන්තය නංවාලීමට සහාය ලබා දෙන බවට ජාත්‍යන්තර මූල්‍ය ආයතන හා විදෙස් තානාපතිවරු සහතික වෙති.

ද්විපාර්ශ්වික අවශ්‍යතා පිළිබඳ විදේශ සබඳතා අමාත්‍ය දිනේෂ් ගුණවර්ධන මහතා සහ එක්සත් ජනපද රාජ්‍ය ලේකම් මයික් පොම්පියෝ අතර දුරකතන සාකච්ඡාවක් පවත්වා තිබේ. ඊයේ (29දා) මෙම සාකච්ඡාව පවත්වා තිබේ. .

මෙරට කෝවිඩ් - 19 ආසාදිතයින් 33 දෙනෙක් පුර්ණ සුවය ලබා ඇතැයි සෞඛ්‍ය අමාත්‍යාංශය සඳහන් කරයි.

මුළු රටේම ආන්දෝලනයට පත්වූ දඹුල්ල ඉහල ඇරෑවුල ගෝන වැව ප්‍රදේශයේදි පුද්ගලයෙකු වූ ටයර් දමා පුළුස්සා ඝාතනය කිරීමේ සිද්ධියට සම්බන්ධ බවට සැක කරන පුද්ගලයන් තුන්දෙනෙකු මාතලේ කොට්ඨාස අපරාධ අංශය මගින් සැකපිට අත්අඩංගුවට ගෙන ඊයේ ( 29 ) රාත්‍රීයේ දඹුල්ල පොලීසියට භාරදී තිබේ.

සියලු සෞඛ්‍ය මාර්ගෝපදේශ අනුගමනය කරමින් ශ්‍රී ලංකා වෘත්තීය පුහුණු අධිකාරිය සතු සියලුම වෘත්තීය පුහුණු ආයතන ජුලි මස 06 වනදා සිට සිසුන් සඳහා නැවත විවෘත කිරීමට තීරණය කර තිබේ.

ප්‍රසිද්ධ ස්ථානවල මුඛ ආවරණ පැළඳ නොසිටි පුද්ගලයින් 1,441 ක් ස්වයං නිරෝධායනයට යොමු කර ඇති බව පොලීසිය සඳහන් කරයි.

කොවිඩ් - 19 වෛරසය ආසාදනයවී රෝහල් ගතව ප්‍රතිකාර ලැබූ තවත් නාවික හමුදා පුද්ගලයින් දස දෙනෙක් වෛරසය ශරීර තුල නොමැති බවට සිදු කල පීසීආර් පරීක්‍ෂණ මගින් තහවුරු කර ගැනීමෙන් අනතුරුව ඊයේ( 29) දින එම රෝහල් වෙතින් මුදා හැරීමට කටයුතු කර ඇත.

ආණ්ඩුව බලයට පත්ව මාස 7ක කාලයක් ගතවී ඇතත් මෙතෙක් මහබැංකු සිද්ධියට සම්බන්ධ සැකකරුවන් අත්අඩංගුවට ගැනීමක් හෝ විමර්ශනයක් සිදු නොවන බවත් වහාම මහ බැංකු මංකොල්ලකරුවන් අත්අඩංගුවට ගන්නැයි හිටපු අමාත්‍ය පී .හැරිසන් මහතා පවසයි.

හිටපු සෞඛ්‍ය අමාත්‍ය රාජිත සේනාරත්න විසින් අභියාචනාධිකරණයේ ගොනු කර ඇති අභියාචන පෙත්සමක් අද (30) ඔහු විසින් ඉල්ලා අස්කර කර ගෙන තිබේ.

ශ‍්‍රී දළදා මාලිගාවේ දළදා කරඩුවද කිහිප අවස්ථාවක් වැඩමවු කෑගල්ල මිල්ලන්ගොඩ ජයන්ති ඈතා ඊයේ (29) පස්වරුවේ මිය ගිය බව හිටපු පළාත් සභා මන්ත‍්‍රී ආනන්ද මිල්ලන්ගොඩ මහතා අප කරන ලද විමසිමකදි පැවසිය.