කොළඹ මහ නගර සභා බල ප්‍රදේශයේ මහජනතාවට කොවිඩ් එන්නත් ලබාදීමේ වැඩසටහන අද 2021.03.11 දින පෙරවරුවේ ගරු අග්‍රාමාත්‍ය මහින්ද රාජපක්ෂගේ නිරීක්ෂණයට ලක්විය.

යාපනය කරයිනගර් එළුවතීව් මුහුදු තීරයේදී සිදුකරන ලද සෝදිසියකදී රුපියල් කෝටි දෙකකට අධික වටිනාකමින් යුත් කේරල ගංජා කිලෝ 141 ක් සමගින් සැකකරුවන් දෙදෙනෙකු අත්අඩංගුවට ගත් බවට නාවික හමුදාව පවසයි.

කලුබෝවිලදී මෝටර් රථයක් තුළ පිළිස්සුණ මළ සිරුරක් හමුවීම පිළිබඳව ගල්කිස්ස පොලිස් අධිකාරීවරයාගේ අධීක්ෂණය යටතේ කණ්ඩායම් දෙකක් විමර්ශන ආරම්භ කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවැසීය.

ආරච්චිකට්ටුව ආනවිලූන්දාව රැම්සා තෙත්බිමේ පිහිටි කඩොලාන ව්‍යාපෘතියේ කඩොලාන පැල ගැලවූ බවට සැකකරන පුද්ගලයින් සිව් දෙනෙකු ආරච්චිකට්ටුව පොලීසිය විසින් අත්අඩංගුවට ගෙන ඊයේ හලාවත අධිකරණයට ඉදිරිපත් කිරීමෙන් අනතුරුව දිසා විනිසුරු සහ මහේස්ත‍්‍රාත් ඞී. ඒ. බුද්ධදාස මහතා එක් අයෙකුට රුපියල් 10,000 බැගින් වූ මුදල් ඇප සහ එක්අයෙකුට රුපියල් ලක්ෂය බැගින් වූ ශරීර ඇප දෙකක් මත මුදා හැරීමට පොලීසියට නියෝග කළේය.

හෙරොයින් ග්‍රෑම් 4යි මිලිග්‍රෑම් 630 ක් අඟුණකොළපෑලැස්ස බන්ධනාගාරයේ සිරමැදිරි දෙකකට විසි කළ පුද්ගලයකු බන්ධනාගාර නිලධාරීන් විසින් ඊයේ අත්අඩංඟුවට ගෙන අඟුණකොළපෑලැස්ස පොලිසියට භාරදී ඇතැයි පොලිසිය පවසයි

මන්ත්‍රී අශෝක් අබේසිංහ සි.ඩි.අයි යට වෙත අද පැමිණ ඇති බව වාර්තා වෙයි.

බිම්බෝම්බවලින් තොර ශ්‍රී ලංකාවක් යන ඉලක්කයට ළඟාවීම සඳහා ඇමෙරිකා එක්සත් ජනපදය විසින් ශ්‍රී ලංකාවට මෙම මුදල් වර්ෂය තුළ රුපියල් බිලියනයක මුදලක් වෙන්කර තිබේ.

මඩකලපුවේ නාවික භටයින් 41 දෙනෙකුට කොරෝනා ආසාදනය වී ඇති බවට සෞඛ්‍ය අංශ තහවුරු කරයි.

කොවිඩ්-19 වෛරස් වසංගතය මධ්‍යයේ ලොව පුරා ළමයින් මිලියන 168කට වැඩි පිරිසකට වසරකට ආසන්න කාලයක් පාසල් වසා දමා ඇති බව යුනිසෙෆ් සංවිධානය පවසයි. එය 2020 මාර්තු සිට 2021 පෙබරවාරි දක්වා දත්ත මත පදනම් වේ.

නැගී එන ප්‍රභේදයන් පරිස්සමින් විසඳා ගැනීමේ උපාය මාර්ගයක් ලෙස මෙම නව එන්නත හෙවත්, වැක්සීන් බූස්ටරය සංවර්ධනය කරමින් සිටින බව මොඩෙර්නා සමාගම පවසයි.

සබරගමුව, බස්නාහිර, වයඹ සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් සවස 1න් පසුව ඇතැම් ස්ථානවලට මි.මී 75ක පමණ තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

එක්සත් ජනපදයෙන් පසු ලෝකයේ වැඩිම මරණ සංඛ්‍යාවක් බ්‍රසීලය වාර්තා කර ඇති අතර, එක්සත් ජනපදය හා ඉන්දියාවෙන් පසු තුන්වන වැඩිම ආසාදිතයන් සංඛ්‍යාව බ්‍රසීලයට ඇතැයි ජෝන්ස් හොප්කින්ස් විශ්ව විද්‍යාලයේ දත්ත පවසයි.

සංචාරක ශ්‍රී ලංකා කණ්ඩායම කඩුලු 8කින් පරාජයට පත්කරමින් දෙරට අතර පැවැති පළමු එක්දින තරගය ජය ගැනීමට සත්කාරක බටහිර ඉන්දීය කෙදෙව් කණ්ඩායම සමත්විය.

මොන්ගෝලියාවේ නියෝජ්‍ය අගමැති සයින්බුයාන් අමර්සයිකාන් සහ උලාන් බාටර් නගරාධිපති ඩොල්ගෝර්සුරෙන් සුමියාබසාර් වෙත මෙම එන්නත් ලබාදීම සිදුවූ බව එරට මාධ්‍ය වාර්තා පවසයි.

බල්ගේරියාවේ නියෝජ්‍ය අග්‍රාමාත්‍ය සහ විදේශ කටයුතු අමාත්‍ය එක්තරීනා සහරීවා කොවිඩ්-19 සඳහා ධනාත්මක පරීක්ෂාවක් කර ඇති බව විදේශ අමාත්‍යාංශය ඊයේ (10දා) නිවේදනය කර ඇත.

ලොවපුරා භාවිත වන කොවිඩ්-19 මර්දන එන්නත්වල සෑම එකක්ම පාහේ මාත්‍රා දෙකකින් යුතු එන්නතක් වුවත්, ජොන්සන් ඇන්ඩ් ජොන්සන් එන්නත එක් මාත්‍රාවක කොවිඩ්-19 මර්දන එන්නකි.

කොංගෝ ජනරජය වෙත චීනයෙන් පරිත්‍යාග කරන ලද කොරෝනා මර්දන එන්නත මාත්‍රා 100,000ක තොගයක් ඊයේ (10දා) පැමිණ තිබේ.

ගෝලීය වශයෙන් නව කොරෝනා වෛරසය ආසාදිත මරණ සංඛ්‍යාව 2,618,000ක් ඉක්මවා ගොස් ඇති අතර, වසංගතය ක්‍රමයෙන් පාලනය කරගැනීම සඳහා මහජන සෞඛ්‍ය ක්‍රියාමාර්ගවල වැදගත්කමද අවධාරණය කෙරෙයි.

ශ්‍රී ලංකාවෙන් තවත් කොවිඩ් මරණ 4ක් වාර්තා වී තිබේ. ඒ අනුව සමස්ත මරණ සංඛ්‍යාව 515ක් දක්වා වර්ධනය වී තිබේ.

‘රෝඩ් සේෆ්ටි වර්ල්ඩ් සීරියස්’ තරගාවලියට අදාලව අද පැවැති ශ්‍රී ලංකා කණ්ඩායම සහ බංග්ලාදේශ කණ්ඩායම අතර පැවති තරඟයෙන් ලකුණු 42කින් ජය ගැනීමට ශ්‍රී ලංකා ලෙජන්ඩ්ස් කණ්ඩායම සමත් විය.

අද (10) දිනයේදී තවත් කොවිඩ්-19 ආසාදිතයින් 140ක් හඳුනාගත් බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.

කොළඹ සහ ගම්පහ දිස්ත්‍රික්කවල වැඩිහිටි සුරැකුම් මධ්‍යස්ථාන වෙත ගොස් ඒවායේ වෙසෙන වැඩිහිටියන් වෙනුවෙන් කොවිඩ් ඒන්නත් ලබාදිමට තිරණය කර ඇති බව සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය අසේල ගුණවර්ධන මහතා පවසයි.

බෞද්ධ කටයුතු කොමසාරිස් ජනරාල්වරයාගේ ප්‍රධානත්වයෙන් පැවැත්විමට නියමිතව තිබූ කල්පිටිය ශාසනාරක්ෂක බල මණ්ඩල ජන්ද විමසීම උණුසුම් තත්වයක් මතුවිමත් සමග එය කල් තැබු බව කල්පිටිය ප්‍රාදේශිය ලේකම් ප්‍රගිත් දනන්සුරිය මහතා පවසයි.

අද (10) දිනයේදී තවත් කොවිඩ්-19 ආසාදිතයින් 160ක් හඳුනාගත් බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.

බලංගොඩ පින්නවල ඇඟලුම් කම්හලක සේවක සේවිකාවන් 36 දෙනකු කොරෝනා වෛරසය ආසාදනය වී ඇති බව ඉඹුල්පෙ සෞඛ්‍ය වෛද්‍ය නිලධාරි කාර්යාලය පවසයි.

කොල්ලුපිටිය ශාන්ත අන්තෝනි හංදියේ රන් භාණ්ඩ උකස් ආයතනයකින් රුපියල් ලක්ෂ තුනක් පමණ වටිනා රන් භාණ්ඩ කොල්ල කා පලායමින් සිටි පුද්ගලයකු ඒ මොහොතේම (10) මුහුදු මාවතේදී අත්අඩංගුවට ගත් බව කොල්ලුපිටිය පොලිසිය කියයි

මන්නාරම මාළු වෙළඳපොළේ වෙළෙන්ඳන් 08 දෙනෙකුට ඇතුලු 17 දෙනෙකුට කොරෝනා වෛරසය ආසාදනය වී ඇති බවට අනාවරණය වීමත් සමග මාළු වෙළඳපොළ තාවකාලිකව අද (10) දිනයේත් වසා දැමීමට පියවර ගෙන ඇතැයි මන්නාරම සෞඛ්‍ය පරික්ෂ කාර්යාලය පවසයි.

තවත් කෝවිඩ් ආසාදිතයින් 457ක් පූර්ණ සුවය ලබා ඇති බව සෞඛ්‍ය අංශ සඳහන් කරයි. ඒ අනුව මෙරට සුවය ලැබු සමස්තය 83,210ක් දක්වා ඉහළ ගොස් තිබේ.

සාමාන්‍ය පෙළ විභාග ප්‍රශ්නපත්‍ර ඇගයීම මාර්තු 27 ආරම්භ කරන අතර මැයි මාසයේ සෞන්දර්ය විෂයයන් සඳහා ප්‍රායෝගික පරීක්ෂණ ආරම්භ කිරීමටත් බලාපොරොත්තු වන බව අධ්‍යාපන අමාත්‍ය මහාචාර්ය ජී.එල්.පීරිස් මහතා පැවසීය.