අද (09) දිනය තුළ කොවිඩ් ආසාදිතයින් 359 දෙනෙක් හඳුනා ගෙන ඇත. ඒ අනුව මෙරට සමස්ත ආසාදිතයින් ගණන 29,737ක් දක්වා ඉහළ ගොස් ඇත.

පෙර පාසලේ සිට විශ්ව විද්‍යාලය දක්වා අධ්‍යාපන ක්ෂේත්‍රයේ උන්නතිය වෙනුවෙන් සම්පාදිත සැලසුම් ක්‍රියාත්මක කිරීමේ දී කොවිඩ් බාධාවක් කර නොගන්නැයි ජනාධිපති ගෝඨාභය රාජපක්ෂ අධ්‍යාපන බලධාරීන්ට කියයි.

මහර බන්ධනාගාර ගැටුමේදී මියගිය රැදවියන් 11 දෙනාගේ මළ සිරුරු IDH රෝහලට යොමු කරන ලෙස වත්තල මහේස්ත්‍රාත් බුද්ධික සි රාගල මහතා නියෝග කළහ.

කොරෝනා ආසාදිතයන් කිහිපදෙනෙක් හමුවීම නිසා කළුතර දකුණ පොලිස් වසමේ කුරේ පාරට සංචරණ සීමා පැනවූ බව කළුතර දිස්ත්‍රික් පරිපාලන මහජන සෞඛ්‍ය පරීක්‍ෂක ආර්.ජී.සිංහබාහු මහතා පැවසීය.

වත්තල සෞඛ්‍ය වෛද්‍ය නිලධාරී කොට්ඨාසය තුළ කොරෝනා ආසාදිත රෝගීන් 53 දෙනෙකු 12/09 දින වාර්තා වී ඇති බවත් ,එයට හේතුව මෙම ප්‍රදේශයේ පිහිටි කර්මාන්තශාලා වෙත කොළඹ සහ අනෙකුත් තදාසන්න ප්‍රදේශ වල සිට විවිධ අවශ්‍යතා සදහා විවිධ පුද්ගලයන් පැමිණීම බව ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ වෛද්‍ය මිගාර ඈපා මහතා පැවසීය .

ශ්‍රී ලංකා නාවික හමුදාවේ නාවික හමුදා සාමාජිකයින් 1700 කට වැඩි පිරිසක් ඉහළ නිලයට උසස් කර තිබේ.

ඥාතීන් භාර නොගත් කොවිඩ් සිරුරු නිරෝධායන රීති අනුව ආදාහනය කිරීමට පියවර ගන්නා ලෙස නීතිපතිවරයා විසින් සෞඛ්‍ය සේවා අධ්‍යක්ෂ ජනරාල්වරයාට දැනුම් දී තිබේ.

කොවිඩ් ආසාදිත කාන්තාවක් පැමිණීම හේතුවෙන් තලවකැලේ නගරයේ වෙළෙඳ සැල් දෙකක් වසා දැමීමට සෞඛ්‍ය අංශ විසින් අද (09) පියවර ගනු ලැබීය.

තවත් කොවිඩ් ආසාදිතයින් 542ක් පූර්ණ සුවය ලබා ඇතැයි සෞඛ්‍ය අංශ සඳහන් කරයි.

පිළියන්දල නගර ආසන්නයේ ඇඟළුම් කර්මාන්තශාලාවක සේවිකාවකට කොරෝනා වෛරසය ආසාදනය වීමත් සමග එම කර්මාන්ත ශාලාව තාවකාලිකව වසා දැමීමට අද පියවර ගත් බව පිළියන්දල සෞඛ්‍ය වෛද්‍ය නිලධාරී කාර්යාලය පවසයි.

පසුගිය අවුරුදු පහ යහපාලන රජය තුළ ඉතාමත් අසාර්ථක කාලසීමාවක් පසු නොකළා නම් ඒ කාල සීමාව තුළ අපේ රජය ඉදිරියට ගෙනයන්න පුළුවන් වුණා නම් මෙයට වැඩ සංවර්ධනයක් හම්බන්තොට දැකිය හැකි බවත් එසේනම් මෙතනට අපි එනකොට අපිට බලන්න පුළුවන්වෙන්නෙ නිෂ්පාදනය රටට බෙදා හරින තැනක් හැටියට බව අමාත්‍ය රෝහිත අබේගුණවර්ධන මහතා පැවසීය.

නිවාස ණය සඳහා පොලිය 7% දක්වා අඩු කරන ලෙස ජනාධිපතිවරයා හා අග්‍රාමාත්‍යවරයා මහ බැංකුවට නියෝග කර ඇති බවත්, ඊට අදාළ චක්‍රලේඛය මහ බැංකුව විසින් සියලුම බැංකු වෙත යවා, ජනතාවට කඩිනමින් එම සහනය ලබා දෙන බවත්, ග්‍රාමීය නිවාස හා ඉදිකිරීම් සහ ගොඩනැගිලි ද්‍රව්‍ය කර්මාන්ත ප්‍රවර්ධන රාජ්‍ය අමාත්‍ය ඉන්දික අනුරුද්ධ මහතා පැවසීය.

පසුගිය 2019 දෙසැම්බර් වන විට සුරාබදු දෙපාර්තමේන්තුවට වසර 05 කාල සීමාවක් සඳහා ලැබීමට නියමිත හිඟ බදු මුදල රු.මිලියන 2376.2 ක් බව ඊයේ දින පාර්ලිමේන්තුවේදි පැවති ගිණුම් කාරක සභාවේදි අනාවරණය විය.

දින 10කට අධික කාලයක් සුළිසුලං සහ මුහුදු රළු වීමෙන් මුහුදු ගමන් යාමට නොහැකි වීම හේතුවෙන් යාපනයේ දූපත්හි ධීවරයින් ගැටලු රැසකට මුහුණ පා සිටිති.

මහනුවර මහයියාව නගරසභා ගම්මානයට දැඩි සංචාරණ සීමා පැනවීමට පියවර ගත් බව මහනුවර නාගරික කොමසාරිස් අමිල නවරත්න මහතා පවසයි . එසේ දැඩි සංචාරණ නීති පැනවීමට පියවර ගෙන ඇත්තේ එම ගම්මානයෙන් පෙරේදා (08) කොවිඩ් ආසාදිතයන් 28 දෙනෙකු හමුවීමත් සමගය.

සීමාසහිත ශ්‍රී ලංකා තොරතුරු සහ සන්නිවේදන තාක්ෂණ නියෝජිත ආයතනය ( I.C.T.A.) ආරම්භ කොට තිබූ ˝ ඉ- විශ්‍රාමවැටුප් ˝ නම් ව්‍යාපෘතිය සඳහා රුපියල් මිලියන 278.54 ක් වියදම් කොට තිබුණද මෙය සම්පූර්ණ අසාර්ථක ව්‍යාපෘතියක් බව කොප් කමිටුවේදී ඊයේ ( 08 ) අනාවරණය විය.

මහර බන්ධනාගාරයේ සදුදා රැඳවියන් 85 දෙනෙකු පී.සී.ආර්. පරික්ෂණය සඳහා යොමුකර සිටි අතර අද (9දා) ලැබුණ එහි ප‍්‍රථිපල අනුව රැඳවියන් 54 දෙනෙකු කෙරෝනා වෛරස ආසාදිතයන් බවට තහවුරු වී ඇති බව මහර බන්ධනාගාර අධිකාරි ජගත් විරසිංහ මහතා පැවසිය.

මහනුවර දිස්ත්‍රික්කයේ දෙවැනි කොවිඩ් මරණය වාර්තා කරමින් මහනුවර ජාතික රෝහලේ ප්‍රතිකාර ලබමින් සිටි කාන්තාවක් පෙරේදා (08) දින මරණයට පත්ව තිබෙන අතර ඇයට කොවිඩ් වෛරසය ආසාදනය වී තිබෙන බව පසුව කරන ලද පී.සී.ආර්. පරීක්ෂණවලදී තහවුරු වී තිබේ.

තලවකැලේ, ආගරපතන ඇල්බියන් වත්තේ තෝන්ෆීල්ඩ් කොටස සම්පුර්ණයෙන්ම හුදකලා කොට සංචරණ සීමා පැනවීමට අද (09) සිට පියවර ගත් බව ලිඳුල සෞඛ්‍ය වෛද්‍ය නිලධාරී ජනත් අබේගුණරත්න මහතා කීය.

රත්නපුර දිස්ත්‍රික්කයෙන් 08දා වාර්තාවූ කෝවිඞ් ආසාදිතයන් 13දෙනාම, ඇහැළියගොඩ ප්‍රාදේශීය ලේකම් කොට්ඨාසයේ පදිංචිකරුවන් බව රත්නපුර දිස්ත්‍රික් ලේකම්වරිය පෙන්වා දෙයි.

හැටන් දික්ඔය නගර සභා බල ප්‍රදේශයේ වැඩි වශයෙන් ජනතාව ගැවසෙන ස්ථාන විෂබීජහරණය කිරිමට හැටන් දික්ඔය නගර සභාව මගින් පියවර ගෙන ඇත.

පවතින කොරෝනා වසංගතයෙන් ජනතාව බේරා ගැනීම පිනිස ගම්පහ මහ නගර සභාව මගින් කොරෝනා මර්දනය කිරීමේ බලකායක් ආරම්භ කළ බව පුරපති එරංග සේනානායක මහතා සදහන් කරයි.

දකුණු පළාතේ කොරෝනා ආසාදිත රෝගින්ගේ සංඛ්‍යාව 346 දක්වා වැඩිවි ඇති බැව් දකුණු පළාත් කොවිඩ් මෙහෙයුම් සම්බන්ධිකරණ කාර්යාලය පවසයි

’’මෙය මාත්‍රා දෙකක එන්නතක්. එබැවින් මිනිසුන් 95%කින් ආරක්ෂා වී ඇති බවටත්, 95%කින් අවදානම පහව ගොස් ආරක්ෂා වීමට ඉඩකඩ ඇති බවට විශ්වාසයක් ඇතිකර ගැනීමටත් ඔබ එන්නත් මාත්‍රා දෙකක් ගත යුතුයි’’ ෆයිසර් හි ප්‍රධාන විධායක.

උතුරු සහ නැගෙනහිර පළාත්වලත් අනුරාධපුර සහ හම්බන්තොට දිස්ත්‍රික්කවලත් වැසි වාර කිහිපයක් ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

චීන ජනාධිපති ෂී ජින්පිං සහ නේපාල ජනාධිපති බිදියා දේවි භන්දාරි අඟහරුවාදා ලිපි හුවමාරු කරගනිමින්, කන්දෙහි උස ප්‍රකාශයට පත්කළ අතර, එය පෙර ගණනය කිරීම්වලට වඩා මීටර් 0.86ක් (මීටර් 8848.86ක්) උසය.

මැදපෙරදිග රටවල් 03 ක රැකියා සදහා ගොස් සිටියදී , ශ්‍රී ලංකාවට පැමිණීමට නොහැකිව එම රටවල රැදී සිටි ශ්‍රී ලාංකිකයන් 655 දෙනෙකු අද දින අලුයම කටුනායක ගුවන් තොටුපළ වෙත පැමිණ තිබුණි.

ඇස්ට්‍රාසෙනෙකා ඉන්කෝපරේෂන්, ෆයිසර්-බයෝඑන්ටෙක්, ජොන්සන් ඇන්ඩ් ජෝන්සන් සහ මොඩෙර්නා වෙතින් මෙම එන්නත් මිලදී ගැනීම සිදුකරන බව දකුණු කොරියාවේ සෞඛ්‍ය අමාත්‍යවරයා පැවසීය.

තුන්වැනි අදියර අත්හදා බැලීම් අවසන් වූ වහාම ඉදිරි සති කිහිපය තුළ චීනයේ කොරෝනාවැක් එන්නත එරට වැසියන්ට ලබාදීමට මොරොක්කෝව සැලසුම් කර ඇති අතර, සෙසු එන්නත් නිෂ්පාදකයන් සමගද සාකච්ඡා අරඹා තිබේ.