පක්ෂ විපක්ෂ මන්ත්‍රීවරුන් 100ට වැඩි පිරිසක් තීරු බදු රහිත වාහන ගෙන්වීමට අවසර ලබා දෙන ලෙස තමාට ඉල්ලීම් ඉදිරිපත් කර ඇති බව කථානායක මහින්ද යාපා අබේවර්ධන මහතා ’අද’ පුවත්පතට පැවසීය.

සියලුම ඉන්ධන වර්ග වල මිල ගණන් අඩු කිරිමට ලංකා ඛණිජ තෙල් නීතිගත සංස්ථාව පියවර ගෙන තිබේ. මේ අනුව ලංකා පෙට්‍රල් (92) රුපියල් තුනකින් සහ ලංකා සුදු ඩීසල් රුපියල් තිහකින් ඊයේ මධ්‍යම රාත්‍රියේ සිට අඩු කර ඇත.

ජාත්‍යන්තර කම්කරු දිනය වෙනුවෙන් ජනාධිපති රනිල් වික්‍රමසිංහ මහතා හෙට (01) මැයි දින රැළි දෙකකට එක්වීමට නියමිතය.

හෙට පැවැත්වෙන මැයි රැළි සඳහා බස් රථ නිකුත් කරන්නේ මුදල් ගෙව්වොත් පමණක් බවත්, කිසිම ආයතනයකට හෝ සංවිධානයකට මුදල් ගෙවීමකින් තොරව බස්රථ නිකුත් නොකරන බව කැබිනට් ප්‍රකාශක, ප්‍රවාහන මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පැවසීය. මේ සම්බන්ධයෙන් තමා ලංකා ගමනා ගමන මණ්ඩලයේ සභාපතිවරයාට උපදෙස් ලබා දී ඇතැයිද හෙතෙම පැවසීය.

උමා ඔය බහුකාර්ය සංවර්ධන ව්‍යාපෘතිය ජනතා අයිතියට පත් කිරීමෙන් අනතුරුව ඒ ආශ්‍රිත නායයාමක් හෝ වෙනත් ගැටළුකාරී තත්ත්වයක් මෙතෙක් වාර්තා වී නොමැති බවත් වර්ෂාපතනය සමඟ ඇති වන කුඩා දිය ඇලි පෙන්වමින් ඇතැමුන් ජනතාව නොමඟ යැවීමට උත්සාහ දරණ බවත් විදුලිබල හා බලශක්ති රාජ්‍ය අමාත්‍ය ඉන්දික අනුරුද්ධ හේරත් මහතා පැවසීය.

සියලුම ක්ෂේත්‍රවල ශාරීරික දඩුවම් පැනවීම තහනම් කිරීම සඳහා වන විටිවිධාන ඇතුළත් කරමින් දණ්ඩ නීති සංග්‍රහය සහ අපරාධ නඩු විධාන සංග්‍රහ පනත සංශෝධනය කිරීම සඳහා අවශ්‍ය පියවර ගැනීම පිණිස ජනාධිපති රනිල් වික්‍රමසිංහ මහතා සහ අධිකරණ බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජේදාස රාජපක්ෂ මහතා ඉදිරිපත් කරන ලද ඒකාබද්ධ යෝජනාවට අමාත්‍ය මණ්ඩලයේ අනුමැතිය හිමි වූ බව කැබිනට් ප්‍රකාශක ජනමාධ්‍ය, ප්‍රවාහන හා මහාමාර්ග අමාත්‍ය ආචාර්ය බන්ද

ඉන්දුනීසියාව සමග වරණීය වෙළඳ ගිවිසුමක් අත්සන් කිරීම සම්බන්ධයෙන් රජයේ අවධානය යොමුව තිබේ. එම වරණීය වෙළඳ ගිවිසුමට එළැඹීම සම්බන්ධයෙන් සාකච්ඡා ආරම්භ කිරීම සඳහා 2023/07/10 දින පැවැති අමාත්‍ය මණ්ඩල රැස්වීමේදී අනුමැතිය ලබා දී තිබේ.

නිධානයක් හාරා ලබා ගත් මිල කළ නොහැකි අති දුර්ලභ වර්ගයේ ගජ මුතු 05 රුපියල් මිලියන 72 කට අලෙවි කිරීම ට සූදානම් වු පුද්ගලයන් 4 දෙනකු අත් අඩංගුවට ගත් බව ජාඇල පොලීසිය පවසයි.

මැයි දින රැළි හා පෙළපාලි ආවරණය කිරිමට ඩ්‍රෝන යානා භාවිත කරන්නේ නම් ඒ සඳහා නිසි අවසර ලබා ගත යුතු බව පොලිස් මූලස්ථානය කියයි.

ශ්‍රි ලංකාවේ ජනපතිවරණ ඡන්ද ප්‍රකාශ කිරිමේ අභිප්‍රාය අනුව මාර්තු මාසයේදි විපක්ෂනායක සජිත් ප්‍රේමදාස මහතාට ඇති ජනතා හිතකරත්ව සියයට 2කින් ඉහළ ගොස් තිබේ.

ඩුබායි රටට වී සිටින මත්කුඩු ජාවාරම්කරුවෙකු එවන ලද කියන රුපියල් කෝටි දහ නවයකට ආසන්න වටිනාකමින් යුත් අයිස්, හෑෂ් හා හෙරොයින් කිලෝ 30 කට වැඩි පුමාණයක් සමග බියගම ප්‍රදේශයේදී අත් අඩංගුවට ගත් තරුණයාගේ තොරතුරු මත පැජරෝ රථයක් හා ස්කුටි වර්ගයේ යතුරු පැදි තුනක් බියගම පොලිසිය මගින් ඊයේ ( 29 වැනිදා ) පස්වරුවේ සොයා ගෙන ඇත..

මීට වසර 11කට පෙර රතුපස්වල ප්‍රදේශයේදී පිරිසිදු ජලය ඉල්ලා උද්ඝොෂණය කළ රතුපස්වල ප්‍රදේශවාසීන්ට වෙඩි තබා පුද්ගලයින් තිදෙනෙකු ඝාතනය කොට තවත් 45 දෙනෙකුට තුවාල කිරීම සම්බන්ධයෙන් නීතීපතිවරයා විසින් පවරා ඇති නඩුව දීර්ඝ වශයෙන් විභාග කිරීමෙන් අනතුරුව

කටුනායක බණ්ඩාරනායක ජාත්‍යන්තර ගුවන් තොටුපොළ විශේෂ අමුත්තන්ගේ ප්‍රභූ පර්යන්තය තුළ රාජකාරියේ නිරත වී සිටි ශ්‍රී ලංකා ගුවන් හමුදාවේ නායක ගුවන් භටයෙකු සතු ගිනි අවිය 04/30 දින උදෑසන පත්තු වීමෙන් එම පර්යන්තයේ වහළයට හානි සිදු වී තිබේ .

අයතා ලෙස උපයාගත් රුපියල් මිලියන 27කට අධික මුදලක් වැය කොට කොළඹ කින්සි පාරේ සුඛෝපභෝගී නිවසක් මිලදී ගැනීම තුළින් මුදල් විශුද්ධිකරණය වැළැක්වීමේ පනත යටතේ වරදක් සිදුකළේ යැයි චෝදනා ලබා සිටි

මහනුවර මැණික්හින්න රෝහලට හදිසි රෝගියකු ඇතුළත් කළ බව කියන අවස්ථාවේදි රෝහල් කාර්ය මණ්ඩලය සහ රෝගියා ඇතුළත් කිරිමට පැමිණි පිරිස අතර ඇතිවු ගැටුම සම්බන්ධයෙන් අපක්ෂපාති පරික්ෂණයක් සිදු කරන ලෙස මධ්‍යම පළාත් ආණ්ඩුකාර නිතිඥ ලලිත් යු ගමගේ මහතා අදාළ බලධාරින්ට දැනුම් දුන්නේය. මෙම සිද්ධීය සම්බන්ධයෙන් පොලිසිය සහ සෞඛ්‍ය නිලධාරින්වෙත උපදෙස් ලබා දෙමින් කියා සිටියේ කඩිනම්ව සිද්ධීය සම්බන්ධයෙන් පරික්ෂණයක් සිදු කර තමන් වෙත වහාම වාර්තාවක් ලබා දෙන ලෙසය.

අකුණු සැර වැදීමෙන් මාතලේ සහ මුලතිව් ප්‍රදේශ වල තිදෙනෙක් ජීවිතක්ශයට පත්වී ඇති බව වාර්තාවේ.

යුධ හමුදා බුද්ධි අංශයෙන් ලද තොරතුරකට අනුව කොළඹ දකුණ අපරාධ කොට්ඨාශය විසින් 28 දින මහරගම, විජේරාම ප්‍රදේශයේදී සිදු කරන ලද වැටලීමකදී මිලියන 4.6කට අධික අෂීස් හා කුෂ් නැමති මත්ද්‍රව්‍ය යතුරුපැදියකින් ප්‍රවාහනය කරමින් සිටි වයස අවුරුදු 25ක මෘදුකාංග ඉංජිනේරු උපාධිධාරියෙකු අත්අඩංගුවට ගෙන ඇත.

ගෝඨාභය ජනාධිපතිවරණයට ඉදිරිපත් කිරීමට තීරණය කරනකොට මම ඒකට විරුද්ධ වුණා - පොහොට්ටුව ඇහුවේ නෑ.... රනිල් ගෙනාවේ අපි නෙමෙයි - පොහොට්ටුවේ නායකයින්.... මම කඩේ යන්නේ රනිල්ට නෙමෙයි - ජනතාවට.... 88 – 89 දී අත්දැකීම් නැති ජවිපෙ රට විනාශ කළා.... අත්දැකීම් නැති කෙනෙකුට රට භාර දෙන්න හිතන්නවත් එපා....

ඩුබායි හී පැවති කනිෂ්ඨ ආසියානු මලල ක්‍රීඩා තරගාවලියට සහභාගී වී ලෝකඩ පදක්කම් දෙකක් හිමි කර ගෙන ලක් මවට කීර්තියක් ගෙන දුන් මාතර මධ්‍ය මහ විද්‍යාලයේ ටක්ෂිමා නුහංසා කොඩිතුවක්කු දියණිය පිලි ගැනීම සදහා වු උත්සවයක් ඊයේ (30) මාතර නගරයේ දී පැවැත්විණි.

මැගසින් බන්ධනාගාරයට අයිස් මත්ද්‍රව්‍ය තොග වශයෙන් සපයන පුද්ගලයකු කිරුළපන අන්දරවත්ත ප්‍රදේශයේදී රුපියල් ලක්ෂ පහකට අධික වටිනා මත්ද්‍රව්‍ය සමග අත්අඩංගුවට ගත් බව කිරුළපන පොලිසිය කියයි.

තායිලන්තයේ පැවති ජාත්‍යන්තර රොබෝටික්ස් තරගාවලියක් වන International Creativity and Innovation Awards තරගාවලියට සිය නිර්මාණ ඉදිරිපත් කළ කොළඹ - 04 , බුර්හානි සෙරෙන්ඩිබ් විද්‍යාලයේ සිසුන් 06 දෙනෙකු ප්ලැටිනම් සහ රන් සම්මාන දිනා ගැනීමට සමත් වී තිබූ අතර ඔවුන් 04/29 දින රාත්‍රී කටුනායක ගුවන් තොටුපොළ වෙත පැමිණියහ .

මාර්ග සංඥා අසල මාර්ගයේ සිඟමනේ යෙදෙන පුද්ගලයන්ට මුදල් හෝ උපකාර ලබා දීමෙන් වළකින ලෙස රථවාහන සහ මාර්ග ආරක්ෂාව සම්බන්ධ ජ්‍යෙෂ්ඨ නියෝජ්‍ය පොලිස්පති ඉන්දික හපුගොඩ මහතා ඉල්ලා සිටියි.

පිරිසිදු ජලය ඉල්ලා උද්ඝොෂණය කළ රතුපස්වල ප්‍රදේශවාසීන්ට වෙඩි තබා පුද්ගලයින් තිදෙනෙකු ඝාතනය කොට තවත් 45 දෙනෙකුට තුවාල කිරීම සම්බන්ධයෙන් යුද හමුදා බි්‍රගේඩියර්වරයකුට සහ හමුදා සෙබ|ළුන් තිදෙනෙකුට එරෙහිව විශේෂ ත්‍රිපුද්ගල මහාධිකරණ විනිසුරු මඩුල්ල හමුවේ පවරා ඇති නඩුවේ තීන්දුව අද (30) ප්‍රකාශයට පත් කෙරේ.

ශ්‍රී ලංකා නිදහස් පක්ෂයේ වැඩ බලන සභාපතිවරයා වශයෙන් කටයුතු කිරීම වළකාලමින් කොළඹ දිසා අධිකරණය නිකුත්කර ඇති වාරණ නියෝගය විසුරුවා හරින්නැයි ඉල්ලා අධිකරණ අමාත්‍ය විජයදාස රාජපක්ෂ මහතා ගොනු කළ ප්‍රතිශෝධන පෙත්සම ලබන 02 වැනිදා කැඳවීමට අභියාචනාධිකරණය අද (29) නියම කළේය.

පසුගිය කොවිඩ් ව්‍යසන සමයේ පාසල් වසා තැබීම නිසා අතපසු වූ අධ්‍යයන කටයුතු හා පාසල් විභාග කාලසටහන යථාවත් කිරීමේ වැඩපිළිවෙළ අනුව මෙවර අපොස සාමාන්‍ය පෙළ විභාගයට පෙනී සිටින සිසුන්ට එම විභාගය අවසන් වූ වහා ම අපොස උසස් පෙළ පන්ති ආරම්භ කිරීමට සිදු වන බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

සංචාරක කර්මාන්තයේ දියුණුව සඳහා තවත් සංචාරක ගමනාන්ත 49ක් හඳුනා ගෙන ඒවා සංචාරක කලාප ලෙස නම් කර මාසයක් ඇතුළත ගැසට් පත්‍රයේ පළ කිරීමට කටයුතු කරන බව සංචාරක රාජ්‍ය අමාත්‍ය ඩයනා ගමගේ මහත්මිය පැවසීය.

සක්‍රිය වී ඇති ඇල්ල කරදගොල්ල නායයාම සම්බන්ධ භූමිය මතුපිට ඇති ජලය ඉවත් කිරීම හා එම ජලය බැස යාම ක්‍රමවත් කිරීමේ කටයුතු සඳහා අද 29 යුද හමුදාව ඇතුළු සහන සේවකයින් යෙදවූ බව බදුල්ල ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ඊ එම් එල් උදය කුමාර මහතා පැවසීය.

මේ මහ බැංකු වාර්තාවේ පෙන්නනවා 2007පැවති උපත් අනුපාතය නැතිනම් උපත් වර්ධන වේගය 1.93%යි. හැබැයි ඒක 2023 වෙද්දී 1.12% දක්වා පහතට ඇවිල්ලා. අනිත් පැත්තෙන් මරණ. 2007දි 0.59% වූ මරණ අනුපාතය 0.82% දක්වා වැඩිවෙලා තියෙනවා. මේ අතරේ තමයි තරුණ පරපුර රට අත්හැරලා ගිහිල්ලා තියෙන්නේ. රටේ රැඳිලා ඉන්නේ වැඩිහිටියෝ වීමත් මීට බලපානවා. එවිට උපත් ඇතිවීම අඩුයි, මරණ ඇතිවීම වැඩියි.

කොළඹදී පැවැති වැඩසටහනකදී අදහස් දක්වමින් ඔහු තවදුරටත් සඳහන් කළේ මේ වසරේ අප්‍රේල් 25 දා වන විට ශ්‍රී ලංකාවට සංචාරකයන් 757000 ඉක්මවා පැමිණ ඇති බවත් එය ලංකාවේ විදේශ සංචිතය ඉහළ යාමට හේතුවක් බවට පත්ව ඇති බවත් ඔහු පැවැසීය.