යුද්ධයේදී මිය ගිය හමුදාපතිවරුන් හා න්‍යෂ්ටික විද්‍යාඥයින් වෙනුවෙන් ඉරානයේ රාජ්‍ය අවමගුල් උත්සවයක්

ඊශ්‍රායලය සමඟ පැවැති දින 12ක ගැටුමේදී මියගිය හමුදාපතිවරුන් සහ න්‍යෂ්ටික විද්‍යාඥයින් ඇතුළු 60 දෙනෙකු පමණ වෙනුවෙන් ඉරානයේ රාජ්‍ය අවමංගල්‍යයක් පවත්වා තිබේ.

මියගිය අණදෙන නිලධාරීන්ගේ පින්තූර සහිත ඉරාන ධජයෙන් ඔතා තිබූ මිනී පෙට්ටි, ටෙහෙරානයේ එංගෙලාබ් චතුරශ්‍රය අසල මහජන ගෞරවය වෙනුවෙන් ප්‍රදර්ශනය කෙරිණි. ඔවුන්ට අවසන් ගෞරව දැක්වීමට විශාල ජනකායක් එක්ව තිබුණි.

එක්සත් ජනපදය ඉරානයේ ප්‍රධාන න්‍යෂ්ටික ස්ථානවලට බෝම්බ හෙලීමෙන් පසුව මෙම සතිය මුලදී සටන් විරාමයකින් ගැටුම අවසන් විය.

කළු ඇඳුමින් සැරසුණු ශෝක ජනක ජනතාව විශාල පිරිසක් සටන් පාඨ කියමින්, ඉරාන ධජ ලෙළවමින් සහ මියගිය අයගේ පින්තූර රැගෙන යමින් ඔවුන්ට ගෞරව දැක්වීය.

උත්සවයට පෙර, මාධ්‍ය විසින් මෙම අවස්ථාවට එක්වන ලෙස ජනතාවගෙන් ඉල්ලා සිටි අතර, බලධාරීන් නොමිලේ බස් සහ මෙට්‍රෝ ගමන් පහසුකම් ලබා දුන්නේය.