යුක්රේනයට බර අවි දෙන ගමන් ට්‍රම්ප් පුටින්ටත් සද්දයක් දායි

නේටෝ රටවල් හරහා යුක්රේනයට "ඉහළම මට්ටමේ අවි" යවන බව එක්සත් ජනපද ජනාධිපති ඩොනල්ඩ් ට්‍රම්ප් නිවේදනය කර ඇති අතර, දින 50ක් ඇතුළත යුද්ධය අවසන් කිරීමේ ගිවිසුමකට එළඹෙන්නේ නැත්නම් රුසියාවට දැඩි තීරුබදු පැනවීමට ද කටයුතු කරන බවද ඔහු පවසයි.

"යුක්රේනයට තමන්ට අවශ්‍ය දේ කළ හැකි බව අපට සහතික කර ගැනීමට අවශ්‍යයි," වොෂින්ටනයේ දී නේටෝ ප්‍රධානී මාර්ක් රූට් සමඟ පැවති හමුවකින් පසුව ට්‍රම්ප් පැවසීය.

"නේටෝ හරහා යුක්රේනයට අවශ්‍ය දේ දැවැන්ත ලෙස සැපයීමට" එක්සත් ජනපදය තීරණය කර ඇති බවත්, ඒ සඳහා යුරෝපීයයන් මුදල් ගෙවනු ඇති බවත් රූට් තහවුරු කළේය.

රුසියාවේ මාරාන්තික ගුවන් ප්‍රහාර මැඩපැවැත්වීම සඳහා යුක්රේනය විශ්වාසය තබන තමන්ගේම පේට්‍රියට් ගුවන් ආරක්ෂක පද්ධති - යුරෝපීය රටවල් කියෙව් වෙත යවනු ඇති අතර, පසුව එක්සත් ජනපදය විසින් ආදේශක නිකුත් කරනු ඇති බව ට්‍රම්ප් පැවසීය.