බටහිර ඔස්ට්‍රේලියා හි කලාප තුනක් යළිත් ලොක්ඩවුන්ලු

බටහිර ඔස්ට්‍රේලියානු ප්‍රාන්තයේ හෝටල් ආරක්ෂකයෙකු කොවිඩ්-19 සඳහා ධනාත්මක බව පරීක්ෂා කිරීමෙන් පසුව, පර්ත් අගනගරය, පීල් කලාපය සහ නිරිතදිග කලාපය යන ප්‍රදේශ තුන සඳහා දින පහක අගුලු දැමීමක් සිදුකර තිබේ.

ඊයේ සවස 6.00 සිට මෙම අගුලු දැමීම ආරම්භ වූ අතර, එලැඹෙන සිකුරාදා සවස 6.00 තෙක් සම්පූර්ණ ලොක්ඩවුන් වීමක් මෙම කලාප තුනෙහි සිදුවන බව ප්‍රාන්ත මහ ඇමති මාක් මැක්ගෝවන් පැවසීය. මෙම සීමාව යටතේ,

මිනිසුන්ට තම නිවෙස්වලින් පිටව යා හැක්කේ අත්‍යවශ්‍ය දෑ, වෛද්‍ය අවශ්‍යතා, ව්‍යායාම හෝ රැකියාව සඳහා දුරස්ථව ක්‍රියා කිරීමට නොහැකි නම් පමණි.

සියලුම බාර් සහ අවන්හල්, ජිම්, විනෝදාත්මක මධ්‍යස්ථාන, සිනමා ශාලා, විනෝදාස්වාද ස්ථාන, පූජනීය ස්ථාන සහ පුස්තකාල වසා දැමිය යුතුය.

ආපනශාලා සඳහා අවසර ඇත්තේ රැගෙන යාමේ සේවාවන් සඳහා පමණි.

ඊළඟ සතිය දක්වා පාසල් වසා තබනු ඇත.

මිනිසුන්ට වෙනත් නිවාසවලට යෑමට හෝ සාත්තු නිවාස නැරඹීමට යාමට ඉඩ නොලැබේ.

ධනාත්මක පුද්ගලයා වයස අවුරුදු 20 ගණන්වල පසුවන ෂෙරටන් ෆෝ පොයින්ට්ස් හෝටලයේ සේවය කරන පුද්ගලයෙකු බව මැක්ගෝවන් පැවසීය.

"මෙය ඉතා බරපතල තත්වයක් වන අතර ප්‍රජාව තුළ පැතිරීම නැවැත්වීම සඳහා අප සෑම කෙනෙකුම පෞද්ගලිකව කළ හැකි සෑම දෙයක්ම කළ යුතුයි." මහ ඇමතිවරයා අවධාරණය කළේය.