නවසීලන්තය එන්නත්කරණ වැඩසටහන වේගවත් කරයි

නවසීලන්තය එන්නත්කරණ ක්‍රියාවලිය වර්තමාන අනුපාතය යටතේ සිදු කිරීමට ඉඩ සැලසෙන පරිදි තවත් එන්නත් ලබාගැනීම සඳහා ගිවිසුමක් අත්සන් කිරීමට ඉතා සමීප බව එරට කොවිඩ්-19 ප්‍රතිචාර අමාත්‍යවරයා පවසයි.

කොවිඩ්-19 තුරන් කිරීමේ උපායමාර්ගයේදී රට තුළ එන්නත්කරණය සහ අගුලු දැමීම මත ක්‍රියාකරමින් සිටින නවසීලන්තයේ, රජයේ සංඛ්‍යාලේඛනවලට අනුව, මේ වනවිට එහි මුළු ජනගහනයෙන් 27%කට එන්නත් මාත්‍රා දෙකම ලබාදී අවසන්ය.

"ගිවිසුමක් අත්සන් කිරීමට අපි ඉතා සමීපව සිටිනවා" යනුවෙන් කොවිඩ්-19 ප්‍රතිචාර දැක්වීමේ අමාත්‍ය ක්‍රිස් හිප්කින්ස් පැවසීය. "සතිය අවසානයේ කුමක් සිදු වේදැයි යන්න ඔබ නිසැකවම දැනගැනීමට හැකිවනු ඇති."

මෙම ගිවිසුම ෆයිසර්-බයෝඑන්ටෙක් එන්නත් ගෙන්වා ගැනීම සම්බන්ධයෙන් ගනු ලබන ක්‍රියාමාර්ගයක් වන අතර, ඒ සමග නවසීලන්තයට සිය මුළු ජනගහනයටම එන්නත් කිරීම සඳහා ප්‍රමාණවත් තරම් එන්නත් ලබාගැනීමට හැකිවනු ඇති බවද සඳහන් වේ.