ඩයනා කුමරියගේ පිළිරුව හැරී - විලියම් විවෘත කරති

විලියම් සහ හැරී පසුගිය කාලයේ දුටු ඔවුන්ගේ වෙනස්කම් පසෙකට දමා, සිය නැසීගිය මව හෙවත් වේල්ස් කුමරිය වන ඩයනාට ගෞරව කරන පිළිමයක් කෙන්සිංටන් මාලිගයේ සන්කන් උද්‍යානයේදී නිරාවරණය කළහ.

මෙම පිළිරුව මුලින් 2017 දී ඇගේ මරණයේ 20 වැනි සංවත්සරය වෙනුවෙන් ආරම්භ කරන ලද්දකි. ඩයනාගේ පුතුන් සිය නැන්දලාට සහ මාමාට සුබ පතන්නට පෙර එක්ව සංවාදයක යෙදෙමින් උද්‍යානයට ඇතුළු වූහ. ඔවුන්ගේ මවගේ සහෝදර සහෝදරියන් වන සාරා මැකෝර්කෝඩේල් ආර්යාව, ජේන් ෆෙලෝස් සහ අර්ල් ස්පෙන්සර් මෙම අවස්ථාවට එක්ව සිටියහ. පිළිමයේ මූර්ති ශිල්පී ඉයන් රැන්ක්-බ්‍රෝඩ්ලි, උද්‍යාන නිර්මාණකරු පිප් මොරිසන් මෙන්ම ප්‍රතිමා කමිටුවේ සාමාජිකයින්ද සහභාගී වූහ.

ඉන්පසු විලියම් සහ හැරී කොළ පැහැති ආවරණයකින් වසා තිබූ පිළිරුව වෙත ඇවිද ගිය අතර, එම ආවරණය දෙදෙනාම ඉවතට ගනිමින් පිළිරුව නිරාවරණය කළහ. ලෝකඩයෙන් නිර්මාණය කළ පිළිරුව ඩයනා විසින් කුඩා දරුවෙකු සහ දැරියක සමග සිටියි. අනෙක් අමුත්තන් වෙත යෑමට පෙර ඩයනාගේ පුතුන් දෙදෙනා මොහොතක් පසෙකට වී තම මවගේ පිළිරුව දෙස බලා සිටි අතර, ඔවුන්ගේ නැන්දාද එම අවස්ථාවට එක්විය. කෙසේ වෙතත් මෙම උත්සවයේදී කේම්බ්‍රිජ් ආදිපාදවරයා හෝ සසෙක්ස් ආදිපාදවරයා මාධ්‍ය වෙත අදහස් දැක්වීමක් නොකළහ. එසේම චාල්ස් කුමරුද මෙම අවස්ථාවට එක්ව නොසිටියේය.