කොරියානු ආනයන සඳහා සියයට 25ක් බදු අයකරන බව ට්‍රම්ප් කියයි

පසුගිය වසරේ ඇති කරගත් වෙළඳ ගිවිසුමට අනුව කටයුතු නොකරන බවට චෝදනා කරමින් දකුණු කොරියානු ආනයන සඳහා තීරුබදු 25% දක්වා ඉහළ නංවන බව එක්සත් ජනපද ජනාධිපති ඩොනල්ඩ් ට්‍රම්ප්  නිවේදනය කළේය.

සමාජ මාධ්‍යවල සටහනක් තබමින්, මෝටර් රථ, දැව, ඖෂධ සහ "අනෙකුත් සියලුම අන්‍යෝන්‍ය තීරුබදු" ඇතුළු නිෂ්පාදන  පරාසයක් සඳහා දකුණු කොරියාව සඳහා වන බදු 15% සිට වැඩි කරන බව ට්‍රම්ප් පැවසීය.

"එකඟ වූ ගනුදෙනුවට අනුකූලව අපගේ තීරුබදු අඩු කිරීමට අපි ඉක්මනින් ක්‍රියා කර ඇති අතර, දකුණු කොරියානු නීති සම්පාදකයින් ගනුදෙනුව අනුමත කිරීමට මන්දගාමී වී තිබෙනවා" යැයි ට්‍රම්ප් පැවසීය.

භාණ්ඩ සඳහා තීරුබදු ඉහළ නැංවීමේ තීරණය පිළිබඳව නිල දැනුම්දීමක් ලබා දී නොමැති බවත්, මෙම ගැටලුව සම්බන්ධයෙන් වොෂින්ටනය සමඟ හදිසි සාකච්ඡා අවශ්‍ය බවත් දකුණු කොරියාව පවසයි.