ඉයුජිනි කුමරියගේ අතගැනීමට ජැක් රජගෙදරට ඇවිත්

බ්‍රිතාන්‍ය කිරීටයේ තවත් විවාහ මංගල්‍යයක් ආරම්භ වෙමින් දෙවැනි එළිසබෙත් රැජිනගේ මිණිබිරියක වන ඉයුජිනී කුමරිය, ඇගේ දීර්ඝ කාලීන පෙම්වතා වූ ජැක් බ්‍රෘක්ස්බැන්ක් සමග අද (12දා) අතිනත ගත්තාය.

වින්ඩ්සර් මාලිගයේ, සෙන්ට් ජෝර්ජ් දෙව්මැදුර වෙත රාජකීයයන් ඇතුළු 850ක පමණ සම්භාවනීය අමුත්තන් පිරිසක් පැමිණ තිබුණි.

බ්‍රිතාන්‍ය රාජකීය කිරීටයේ සිහසුනට නවවැනි උරුමකාරිය ලෙස සිටින ඉයුජිනී කුමරිය සිය පියා වූ ඇන්ඩෘ කුමරුගේ සමග අල්තාය වෙත පැමිණෙන විට ඇගේ ආච්චි අම්මා වූ දෙවැනි එළිසබෙත් රැජිනද දේවස්ථානයේ විය.

පිලිප් කුමරු, ඉයුජිනීගේ මෑනියන්, ඇගේ නැගෙනිය වන බියට්‍රිස් කුමරිය ප්‍රමුඛ සියලු රාජකීයන්ගේ උණුසුම් සුබ පැතුම් නව යුවළට ලැබුණි.