ඉන්දුනීසියා වේල්ලට අවසර ලැබී ඔරංඋටං තුරන්වීම වේගවත් වේවි

විවාදයට තුඩුදී ඇති වේල්ලක් ඉදිකිරීම සඳහා ඉන්දුනීසියානු අධිකරණය අවසර ලබාදීමත් සමග ලොවෙන් තුරන් වීමේ දැඩි අවදානමක සිටින ඔරංඋටං සතුන්ගේ තුරන්වීම වේගවත් වනු ඇතැයි පරිසරවේදීහු පවසති.

ඇ.ඩො.බිලියන 1.5ක වටිනාකමින් යුතු මෙම වේල්ල උතුරුදිග සුමාත්‍රා හි බැටැන්ග් ටෝරූ වනාන්තරය ආශ්‍රිතව ඉදිකිරීමට නියමිතය.

මෙම පළාත ටැපනෝලී ඔරංඋටං සතුන්ගේ නිජබිම ලෙස සැලකෙන අතර, ඔවුන් 2017 වසරේදී හඳුනාගනු ලැබූ ලොව වඳවීමේ තර්ජනයට ලක්ව ඇති සතුන් කොට්ඨාසයකි.

මේ වනවිට මෙම සතුන් 800ක් පමණ වනාන්තරයේ දිවි ගෙවන අතර, ඔවුන් සැවොම මෙම පරිසර පද්ධතිය ඇසුරු කරගෙන ජීවත් වන බව පරිසරවේදීහු පවසති.

කෙසේ වෙතත්, මෙම ව්‍යාපෘතිය සමග එම සතුන් ලොවෙන් තුරන් කිරීමේ පාර කැපෙන බව ඔවුහු වැඩිදුරටත් පෙන්වා දෙති.