IS ඉස්ලාම් ත්‍රස්තවාදයෙන් මොසුල් බේරාගැනීම සැමරේ

ඉරාකයේ මොසුල් නගරය IS ඉස්ලාම් රාජ්‍ය  ත්‍රස්තයන්ගෙන් සම්පූර්ණයෙන්ම පාහේ මුදාගැනීමේ සතුට ඉරාක අගමැති හයිදර් අල්-අබේදිගේ සහභාගීත්වයෙන් සැමරෙයි.

මේ වනවිට නගරයේ සම්පූර්ණ බලය රජයේ හමුදා සතු වුවත්, මේ වනවිටත් ඉතා කුඩා ස්ථාන දෙකක පමණ ත්‍රස්තයන් කොටුවී සිටින බව කියැවෙයි.

2014 වසරේ ජූනි මාසයේදී ඉස්ලාම් රාජ්‍ය ත්‍රස්තයන් විසින් මොසුල් නගරයේ බලය සියතට ගත් අතර, පසුව ඇමෙරිකානු ඒකාබද්ධ හමුදාවේ ගුවන් ප්‍රහාරක ශක්තිය සමග ඉරාක හමුදා නගරයේ බලය සියතට ගැනීමේ මෙහෙයුම පසුගිය වසරේ ඔක්තෝබර් 17 වැනිදා අරඹීය.

එදා මෙම නගරය සියතට ගත් ඉස්ලාම් රාජ්‍ය ත්‍රස්තයන් සිය සිහින රාජ්‍ය වූ ඉස්ලාම් රාජ්‍ය නිල වශයෙන් ප්‍රකාශයට පත්කිරීමද එහි නායක අල්-බග්දාදිගේ මූලිකත්වයෙන් සිදුකරනු ලැබීය.