පළමු වැනි ලෝක යුද්ධය සිහිගන්වන ප්‍රහාර තැතත් හෙළිවේ

පළමු වැනි ලෝක යුධ සමයේ සිදුවූ ආකාරයේ ප්‍රහාරයක් සඳහා IS ඉස්ලාමීය රාජ්‍යයෙන් ආභාසය ලැබූ කුමන්ත්‍රණයක් හෙළි කරගැනීමට හැකිවූ බව ඔස්ට්‍රේලියානු පොලීසිය පවසයි.

ඒ අනුව, පොලීසිය විසින් වයස අවුරුදු 18ක් පමණ වන තරුණයන් පස් දෙනෙකු අත්අඩංගුවට ගෙන ඇති අතර, ත්‍රස්තවාදී ක්‍රියාවකට යොමුවීම සම්බන්ධයෙන් ඔවුන් වෙත චෝදනා එල්ල වී තිබේ.

ඒ අනුව, ඔවුන් මෙල්බර්න් නගරයේ අන්සැක් අනුස්මරණ වැඩසටහනකදී පොලීසිය වෙත ප්‍රහාරයක් එල්ල කිරීමට සැලසුම් කර තිබේ.

මෙම හෙළිදරව්වත් සමග නගරය පුරා ප්‍රතිත්‍රස්ත මෙහෙයුමක් දියත් කර ඇති අතර, ඒ වෙනුවෙන් පොලිස් නිලධාරීන් 200ක් පමණ සහභාගි වී තිබේ.