ජනපති සටන ජයග්‍රහණයට පක්ෂ නායකත්වයත් අත්හරී
ප්‍රංශයේ අන්ත-දක්ෂිණාංශික ජනාධිපති අපේක්ෂිකා මැරීන් ලේ පෙන් තමා නියෝජනය කරන ජාතික පෙරමුණ පක්ෂයේ නායකත්වයෙන් ඉල්ලා අස්වන බව නිවේදනය කරයි.
ප්‍රංශ ජනාධිපතිවරණයේ දෙවැනි වටයට තේරීපත්ව දිනක් යෑමටත් පෙර ඇය මෙම නිවේදනය සිදුකර තිබූ අතර, එහිදී, මධ්‍යස්ථ මතධාරී එමානුවෙල් මාර්කෝන් සමග ඇය තරග වැදීමට නියමිතව තිබේ.
තම පක්ෂයට පමණක් කොටු නොවී, සමස්ත ප්‍රංශ ජනතාවගේම අවධානය මැතිවරණ ව්‍යාපාරය වෙත ලබාගැනීම සඳහා තමා මෙවැනි පියවරක් ගනු ලැබූ බව මේ සම්බන්ධයෙන් අදහස් දක්වමින් ඇය පවසා සිටියාය.
මැතිවරණ පුරෝකථනයන්ට අනුව මාර්කෝන් දෙවැනි වටයේදීද පහසු ජයක් අත්කර ගනු ඇති බව විශ්වාස කෙරුණත්, ලේ පෙන් පවසන්නේ, "අපට ජයග්‍රහණය කරන්න පුළුවන්. අපි ජයග්‍රහණය කරනවා" යනුවෙනි.
ප්‍රංශය අතිශය තීරණාත්මක සංධිස්ථානයකට පැමිණ ඇති බව එම රූපවාහිනී සංවාදයේදී ඇය වැඩිදුරටත් පවසා සිටියාය.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
