කිම් ජොන්ග් නැම් ඝාතකයන්ට මරණ දඬුවම හිමිවන ලකුණු

උතුරු කොරියාවේ නායක කිම් ජොන්ග් උන්ගේ අර්ධ සොහොයුරු කිම් ජොන්ග් නැම් ඝාතනය කළ බවට සැක කෙරෙන තරුණියන් දෙදෙනාට එරෙහිව මිනීමැරීමේ චෝදනා යටතේ නඩු පැවරීමට නියමිතව තිබේ.

ඉන්දුනීසියානු සහ වියට්නාම ගමන් බලපත්‍ර හිමි මෙම චූදිතයන් දෙදෙනා අදාළ චෝදනාවට වරදකරුවන් වුවහොත් ඔවුන්ට මරණ දණ්ඩනය හිමිවනු ඇති බවද හෙතෙම පවසා ඇත.

ක්වාලලම්පූර් අගනුවර ගුවන් තොටුපලේ රැඳී සිටි කිම් ජොන්ග් නැම් ඝාතනය කිරීම සඳහා වී එක්ස් නමැති විෂ රසායනය භාවිත කොට තිබුණු අතර, එය තමන් ඝාතනයක් බව නොදැන කළ දෙයක් බවද මෙම තරුණියන් දෙදෙනා පසුව පොලිසියට පවසා තිබුණි.

ඔවුන් සඳහන් කර තිබුණේ, තමන් රූපවාහිනී රියැලිටි වැඩසටහනක පෙනී සිටින බව දැනගෙන එවැන්නක් සිදුකළ බවයි.

මේ අතර, කිම් ජොන්ග් නැම්ගේ මෘත ශරීරය තමන් වෙත භාරදෙන ලෙස ඉල්ලා උතුරු කොරියාවේ ඉහළ පෙළේ රාජතාන්ත්‍රිකයෙකු මැලේසියාවට පැමිණ ඇති බවද විදෙස් වාර්තා වැඩිදුරටත් පවසයි.