උද්ඝෝෂණ නවත්වා එක්වන ලෙස නජීබ් කියයි

සිය ධුරයෙන් ඉල්ලා අස්වීම ප්‍රතික්ෂේප කරන මැලේසියානු අගමැති නජීබ් රසාක් සියලු ජනතාවට එක්වන ලෙස ඇරයුම් කර සිටී.

සති අන්තය වනවිට දසදහස් ගණන් ජනයා ක්වාලලම්පූර් නුවරට රැස්වෙමින් අගමැතිවරයාට ධුරයෙන් ඉල්ලා අස්වන ලෙස බලකළේ ඔහු ඩොලර් මිලියන ගණනක මහජන මුදල් තම පෞද්ගලික ගිණුමකට බැරකර ගෙන ඇති බවට චෝදනා කරමිනි.

මෙම උද්ඝෝෂණ සඳහා එරට හිටපු අගමැතිවරයෙකු වූ මහතීර් මොහොමඩ් ද වීදි බැස තිබුණි.

මෙම උද්ඝෝෂණ සම්බන්ධයෙන් අදහස් දක්වන නජීබ් අගමැතිවරයා පවසන්නේ, ප්‍රජාතන්ත්‍රවාදී රටක අදහස් ප්‍රකාශ කිරීමේ නිවැරදි ක්‍රමවේදය උද්ඝෝෂණ නොවන බවයි.