1991 දී නේටෝව විසුරුවා හැරිය යුතුව තිබුණි - චීනය

සෝවියට සමූහාණ්ඩුව බිඳ වැටීමෙන් පසුව වර්ෂ 1991 දී නේටෝවත් විසුරුවා හැරිය යුතුව තිබුණේ යැයි චීනය අවධාරණය කරයි.

චීන විදේශ අමාත්‍යාංශයේ ප්‍රකාශක ෂාඕ ලිජියන් පවසා සිටියේ, ඒ වෙනුවට එක්සත් ජනපදය ප්‍රමුඛ සන්ධානය විසින් එය පුළුල් කරමින් රුසියාව කොන්කර, අවසානයේ යුක්රේනයේ වත්මන් ලේ වැගිරීම් නිර්මාණය කළ බවයි.

"සීතල යුද්ධයේ නිමැවුමක් ලෙස, සෝවියට් සංගමය බිඳී ගිය විට නේටෝව ඉතිහාසය බවට පත් විය යුතුව තිබුණා" ඔහු සිකුරාදා දිනපතා මාධ්‍ය හමුවක් අතරතුර පවසා සිටියේ, එක්සත් ජනපද භූ දේශපාලනික මෙවලමක් ලෙස නේටෝවේ අද භාවිත කරන ආකාරය ගැන විස්තර කරමිනි.

රුසියාව සමග ආතතීන් උත්සන්න කරන බවට චීනය නැවත නැවතත් බටහිර ජාතීන්ට චෝදනා කර ඇති අතර, රුසියාවට එරෙහි සම්බාධක සමග එක්වීම ප්‍රතික්ෂේප කර ඇත්තේ, ඒවා නීති විරෝධී සහ ගැටළු විසඳීමට නොහැකි මෙවලම් බව පවසමිනි.