මෙක්සිකෝ ජනපති කොවිඩ් වෛරසයට ධනාත්මක වෙයි

මෙක්සිකානු ජනාධිපති ඇන්ඩ්‍රෙස් මැනුවෙල් ලෝපෙස් ඕබ්‍රඩෝර් කොවිඩ්-19 සඳහා ධනාත්මක බව පරීක්‍ෂා කර ඇති අතර, ඔහුගේ රෝග ලක්ෂණ මෘදු බවත් වෛද්‍ය ප්‍රතිකාර ලබා ගන්නා බවත් පවසයි.

"මට කොවිඩ්-19 ආසාදනය වී ඇති බව ඔබට දැනුම් දීමට සිදුවීම ගැන කනගාටු වෙනවා. රෝග ලක්ෂණ මෘදු නමුත් මම දැනටමත් වෛද්‍ය ප්‍රතිකාර ලබමින් සිටිනවා" යනුවෙන් 67 හැවිරිදි ඔහු සමාජ මාධ්‍ය ඔස්සේ පණිවුඩයක් නිකුත් කරමින් කියා සිටියේය. "සෑමවිටම මෙන්, මම සුභවාදීයි." ඔහු වැඩිදුරටත් සඳහන් කර ඇත.

තමා තවදුරටත් ජනාධිපති මන්දිරයේ සිට වැඩ කරන බව ලෝපෙස් ඕබ්‍රඩෝර් පැවසූ අතර, මේ සතියේ ඔහුගේ දෛනික ප්‍රවෘත්ති සාකච්ඡාවේදී ඔහු වෙනුවෙන් පෙනී සිටීමට අභ්‍යන්තර කටයුතු අමාත්‍යාංශයට පැවරී තිබේ.