මැයි මාසයෙන් පසු ඉතාලියේ කොවිඩ් ආසාදිතයන් 1,000ක්

ඉතාලිය ගෙවීගිය සෙනසුරාදා දිනය වනවිට නව කොවිඩ්-19 ආසාදිතයන් 1,071ක් වාර්තා කර ඇති අතර, එය මැයි මාසයෙන් පසුව එරට ප්‍රථම වතාවට දෛනික ආසාදිත අගය 1,000ක් ඉක්මවූ අවස්ථාවකි.

මෙම සංඛ්‍යාලේඛනවලින් සනාථ වන්නේ දැනට ඉතාලියේ සක්‍රීය කොරෝනා වෛරස ආසාදිතයන් 17,503ක් සිටින අතර, එරට සමස්ත කොවිඩ්-19 රෝගීන් සංඛ්‍යාව 258,136ක් දක්වා ඉහළ ගොස් ඇති බවය.

මේ අතර, පසුගිය පැය 24 තුළ තවත් මරණ තුනක් වාර්තා වී ඇති අතර, කොවිඩ්-19 රෝගීන් 64 දෙනෙකු මේ වනවිට දැඩි සත්කාර ඒකකයේ රැඳී සිටිති.

ප්‍රාදේශීය සෞඛ්‍ය නිලධාරීන්ට අනුව, සමහර ප්‍රදේශවල සිදුවීම් වැඩිවීම විදේශයන්හි සිට ඉතාලියට ආපසු යන පුද්ගලයින් සමඟ සම්බන්ධ වී තිබේ.

ඉතාලියේ ලාසියෝ කලාපයේ අතිරේක සිද්ධීන් 215ක් ලියාපදිංචි කර ඇති අතර, ඉන් 61%ක්ම නිවාඩු ගොස් යළි ඉතාලිය බලා ආපසු පැමිණෙන පුද්ගලයින් හා සම්බන්ධ වී ඇත.