බෙදීම් ඇති නොකර අවංකව සංවර්ධන සහාය ලබාදෙන්න

සහයෝගීතාවයේ නාමයෙන් භූ දේශපාලන එදිරිවාදිකම්වල නියැලීම හෝ පැසිෆික් දූපත් රටවලට ගැටුම් ඇති කිරීම වෙනුවට දේශගුණික විපර්යාස විසඳීමට සහ සංවර්ධනය හා පුනර්ජීවනය සාක්ෂාත් කර ගැනීම සඳහා එක්සත් ජනපදය පැසිෆික් දූපත් රටවලට අවංකව සහාය දෙනු ඇතැයි චීනය අපේක්ෂා කරන බව චීන විදේශ අමාත්‍යාංශයේ ප්‍රකාශක මාඕ නින්ග් පවසයි.

ඇය මේ බව ප්‍රකාශ කළේ මේ සතියේ වොෂිංටන් ඩීසී හි පැවති පළමු එක්සත් ජනපද-පැසිෆික් දූපත් රාජ්‍ය සමුළුවට ප්‍රතිචාර දක්වමිනි.

එක්සත් ජනපද ජනාධිපති ජෝ බයිඩන් සමුළුවට සහභාගී වූ අතර, එම රටවල් සමග එක්සත් ජනපද හවුල්කාරිත්වය ශක්තිමත් කිරීමේ ප්‍රමුඛතාවයක් ලබාදෙන බවට පොරොන්දු විය.

කලාපය තුළ තම පැවැත්ම ශක්තිමත් කිරීමට එක්සත් ජනපදය කැපවී සිටින බව සඳහන් කළ මාඕ, පැසිෆික් දූපත් රටවල් සමග සාමාන්‍ය අන්තර්ක්‍රියා සහ සහයෝගීතාව ශක්තිමත් කිරීමට කැමති රටවලට චීනය විවෘත බව පැවසූ අතර පැසිෆික් දූපත් රටවල් ප්‍රධාන බල එදිරිවාදිකම් සඳහා චෙස් ඉත්තන් ලෙස භාවිත නොකළ යුතු බව ඇය පැවසුවාය.

දේශපාලන කොන්දේසි හෝ පැනවීම් හෝ කිසිදු තුන්වැනි පාර්ශ්වයක් ඉලක්ක නොකර, දූපත් රටවල් සමග චීනයේ සහයෝගීතාවය විවෘත, අවංක සහ විනිවිදභාවයෙන් යුක්ත බව මාඕ නැවත අවධාරණය කළේය.