බටහිර යුරෝපයට තාප තරංග රැල්ලක්

බටහිර යුරෝපයේ රටවල් දැඩි උණුසුම් කාලගුණයක් සමඟ පොරබදමින් සිටින අතරතුර, මැයි මාසයේ දී පෘතුගාලය නව උණුසුම්ම දිනයක් සනිටුහන් කර ඇති අතර, මධ්‍යම මෝරා නගරයේ උෂ්ණත්වය සෙල්සියස් අංශක 40.3 දක්වා 
වැඩි වි තිබේ.

බදාදා වාර්තා වූ උෂ්ණත්වය 2001 මැයි මාසයේදී පෘතුගාලයේ වාර්තා වූ සෙල්සියස් අංශක 40 වාර්තාව ඉක්මවා යයි.

මේ අතර තාප තරංග සඳහා රටේ සූදානම තක්සේරු කිරීමට ප්‍රංශයේ අමාත්‍යවරු රැස්වන අතර, ටෙනිස් අංක එකේ ජැනික් සින්නර් තාපයෙන් පීඩා විඳීමෙන් පසු ප්‍රංශ විවෘත තරගාවලියෙන් ඉවත් විය. 

 ඉතාලි බලධාරීන් අගනුවර වන රෝමය සඳහා රතු තාප තරංග අනතුරු ඇඟවීමක් නිකුත් කළ අතර,  බ්‍රහස්පතින්දා එය සෙල්සියස් අංශක 32C දක්වා ඉහළ ගියේය.

ජර්මනිය, ස්පාඤ්ඤය සහ ස්විට්සර්ලන්තය ද අසාමාන්‍ය ලෙස උණුසුම් තත්ත්වයන්ට මුහුණ දී ඇති බැවින්, සති අන්තය දක්වා තාප තරංගය දිගටම පවතිනු ඇතැයි පුරෝකථනය කර ඇත.

ලැව්ගිනි මැඩපැවැත්වීම සහ ගිම්හානයේදී ප්‍රමාණවත් ජල සැපයුමක් සහතික කිරීම ඇතුළු දැඩි තාප සිදුවීම් සඳහා සූදානම් වීමේ සැලැස්මක් සකස් කිරීම සඳහා ප්‍රංශ අගමැති සෙබස්තියන් ලෙකෝර්නු බ්‍රහස්පතින්දා පස්වරුවේ අමාත්‍ය මණ්ඩල රැස්වීමක ප්‍රධානත්වයෙන් පැවැත්විණි.