පූටින් G20 සමුළුවට සහභාගී වන බව කියයි

මෙම වසරේ G20 හි සභාපතිත්වය ඉන්දුනීසියාව විසින් දරන අතර, රුසියාව රැස්වීමෙන් බැහැර කරන ලෙස එක්සත් ජනපදය ප්‍රමුඛ බටහිර රටවල් විසින් බලපෑම් කර තිබේ.

නොවැම්බර් 15 සිට 16 දක්වා ඉන්දුනීසියාවේ පැවැත්වෙන 20 කණ්ඩායමේ (G20) සමුළුවට සහභාගි වන ලෙස රුසියානු ජනාධිපති ව්ලැදිමීර් පූටින් වෙත කළ ආරාධනය පිළිගෙන ඇති බව ක්‍රෙම්ලිනය පවසයි.

ක්‍රෙම්ලිනයේ සහායක යූරි උෂකොව් සඳුදා මාධ්‍ය වෙත පැවසුවේ පූටින්ගේ සහභාගීත්වයේ ආකෘතිය තවමත් නිශ්චිතව ප්‍රකාශ කළ නොහැකි බවයි.

" දැනට, ඔවුන් පෞද්ගලිකව සහභාගී වීමට ආරාධනා කර තිබෙනවා. නමුත් බොහෝ කාලයක් ඒ සඳහා පවතිනවා. මෙම වැදගත් සංසදය මුහුණට මුහුණ පැවැත්වීමට වසංගත තත්ත්වය ඉඩ දෙනු ඇතැයි මා බලාපොරොත්තු වෙනවා මම අනුමාන කිරීමෙන් වැළකී සිටීමට කැමතියි" ඔහු සඳහන් කළේය.

මෙම වසරේ G20 හි සභාපතිත්වය ඉන්දුනීසියාව විසින් දරන අතර, රුසියාව රැස්වීමෙන් බැහැර කරන ලෙස එක්සත් ජනපදය ප්‍රමුඛ බටහිර රටවල් විසින් බලපෑම් කර තිබේ.

කෙසේ වෙතත්, ඉන්දුනීසියානු ජනාධිපති සහ G20 සභාපති ජෝකෝ විඩෝඩෝ රුසියාවට කළ ආරාධනය අවලංගු කළේ නැත. අප්‍රේල් මස මුලදී, ඔහු යුක්රේන ජනාධිපති වොලොදොමීර් සෙලෙන්ස්කි අමතා G20 සමුළුවට ආගන්තුකයෙකු ලෙස ලෝක නායකයින් අතරට එක්වන ලෙස ආරාධනා කළ බව නිවේදනය කළේය.

එමෙන්ම, විඩෝඩෝ රුසියාවට සහ යුක්රේනයට ගොස් එම රටවල නායකයන් හමුවී, මේ සතියේ සාම සාකච්ඡා ඉල්ලා සිටීමට සැලසුම් කර ඇති බවද වාර්තා වේ.