පාසල් සමූල ඝාතනයෙන් පසු ටෙක්සාස් ගිනිඅවි කතා කරයි

එක්සත් ජනපද ජාතික රයිෆල් සංගමය සිකුරාදා හූස්ටන්හි සිය වාර්ෂික සම්මේලනය ආරම්භ කළේ ගිනිඅවි ප්‍රචණ්ඩත්වය පිළිබඳ ජාතික විවාදය අලුත් කරමිනි.

ඒ තුවක්කුකරුවෙකු ප්‍රාන්තයේ අනෙක් පැත්තේ වූ ප්‍රාථමික පාසලක සිසුන් 19දෙනෙකු සහ ගුරුවරුන් දෙදෙනෙකු මරා දැමීමෙන් දින තුනකට පසුවය.

හිටපු ජනාධිපති ඩොනල්ඩ් ට්‍රම්ප් සහ අනෙකුත් රිපබ්ලිකන් නායකයින් මෙම උත්සවයේදී අදහස් දැක්වීමට නියමිතව තිබුණි.

ගිනිඅවි හිමිකම් පිළිබඳ ලොබි කණ්ඩායමේ නායකයෝ උවල්ඩේ පාසලේ වෙඩි තැබීමේ සිද්ධිය සම්බන්ධයෙන් සිහිපත් කිරීමට සහ ඕනෑම වරදක් නිවැරදි කරගැනීමට සැලසුම් කර තිබුණි. එසේම ගිනිඅවි ප්‍රචණ්ඩත්වය ගැන කෝපයට පත් විරෝධතාකරුවන් පිටත විරෝධතාවන්ද සැලසුම් කර තිබුණි.

එක්සත් ජනපද ජාතික රයිෆල් සංගමය ඔන්ලයින් ප්‍රකාශයක් නිකුත් කරමින් කියා සිටියේ තුවක්කු සංදර්ශනයට සහභාගී වන පුද්ගලයින් උවල්ඩේ පාසලේ වෙඩි තැබීම කනගාටුවෙන් යුතුව සිහිපත් කරන බවත්, වින්දිතයන් වෙනුවෙන් යාච්ඤා කරන බවත්ය. අපගේ දේශප්‍රේමී සාමාජිකයින් හඳුනා ගන්නා බවත්, අපගේ පාසල් සුරක්ෂිත කිරීමට අපගේ කැපවීම දෙගුණ කිරීමට ප්‍රතිඥා දෙන බවත් ඔවුන් කීවේය.

කෙසේ වෙතත්, එක්සත් ජනපදයේ ගිනිඅවි ප්‍රචණ්ඩත්වය යම් සිද්ධියක් සිදුවූවාට පසුව විවාදයට හා සාකච්ඡාවට බඳුන් වුවත්, එය යළි ක්‍රමයෙන් නිවී යන බව විචාරකයෝ පෙන්වා දෙති.