තමිල්නාඩුවේ ගෘහස්ත පාරිභෝගිකයන්ට විජේ විදුලි ඒකක 200ක් නොමිලයේ දෙයි

මහ ඇමති ධුරයට පත්වීමෙන් පසු, TVK නිර්මාතෘ විජේ, ගෘහස්ථ පාරිභෝගිකයින් සඳහා නොමිලේ විදුලිය ඒකක 200 ක් ලබා දීමටත්, කාන්තා ආරක්ෂාව සඳහා විශේෂ බලකායක් පිහිටුවීමටත්, ප්‍රාන්තය පුරා මත්ද්‍රව්‍ය ජාවාරම් විරෝධී ඒකක සඳහාත් අවසර දෙන ලියකියවිලි වලට අත්සන් තැබීය.මේ හරහා තමිල්නාඩුව පුරා කෝටි 1.46ක් වූ විදුලි පාරිභෝගිකයන්ට සෙත සැලසෙයි. 

විජේ මහ ඇමති ලෙස දිවුරුම් දීම ජවහර්ලාල් නේරු ගෘහස්ථ ක්‍රීඩාංගණයේදී පැවති අතර සිය මංගල දේශනයේදී, "සැබෑ ලෞකිකත්වය සහ සමාජ සාධාරණත්වය" සඳහා කැපවූ පාලන තන්ත්‍රයක නව යුගයක් දැන් ආරම්භ වී ඇති බව  පැවසීය.

තමා හැර වෙනත් කිසිදු බල මධ්‍යස්ථානයක් නොමැති බව ඔහු ප්‍රකාශ කළ අතර, තමා එකම බල මධ්‍යස්ථානය වනු ඇති බව අවධාරණය කළේය.

රජය පිහිටුවීම සඳහා තම පක්ෂයට සහයෝගය දැක්වීම සම්බන්ධයෙන් ඔහු කොංග්‍රසය, වීසීකේ, අයියූඑම්එල් සහ වාමාංශික පක්ෂවලට ස්තූති කළේය.